تحليق إخباري قرآءة ساخرة للأخبار و الأحداث!

تحليق إخباري   نادر التوم

عناوين الصحف السودانية لليوم 12 مارس 2022م

صحيفة الصيحة :

أنباء عن لقاء بين البرهان وحمدوك و”التغيير” تؤكّد الوساطة الإماراتية

_ معناتا مافي أي (تغيير)
“تجمّع المهنيين”: اقترب سقوط الحكومة..”48″ إصابة في موكب 10 مارس

_ أوع يكون تاني ح تسقط بس# و نرجع لي نفس دوامة الأمس؟
إعلان قائمة السلع المسموح استيرادها ومصدّرو الماشية يشكون من إجراءات المركزيّ

_ المركزي شمبات؟
مصرع”7″ أشخاص في انقلاب بص بجنوب دارفور

_ الله يرحمهم .. أصلا أي إنقلاب بكون فيو خسائر عشان كدا الناس السايقين يعملو حسابهم!

صحيفة اليوم التالي :

تحقيق لـ”اليوم التالي” يكشف أسباب ارتفاع الوفيات بطوارئ المستشفيات

_ إيه أسباب غرورك؟
مناوي: نتفهّم أسباب عدم تنفيذ اتّفاقية سلام جوبا

_ طيب ما تفهمونا معاكم.. عشان ما نتفهم!
“المونتير الأمريكية”: إثيوبيا تسعى لفصل المواقف السودانية المصرية

_ في جهات بتسعى لفصل السودان ذاتو!
وفاة طفلة وخسائر فادحة في حريق بمعسكر النعيم بالضعين

_ الله يرحمها.. مفارقات غايتو أطفال في معسكرات دراسة و أطفال في معسكرات سياسة!
خالد التيجاني: مبادرة الأمم المتحدة معنية بالبحث عن تسوية بين المدنيين والعسكريين

_ العنها منو؟ تسوية ع شنو؟ البلد و لا الحكم؟ و لا بتساومو فينا نحن ذاتو؟

صحيفة الانتباهة :

مسؤول حكومي سابق: عودة”حمدوك” رئيسًا للوزراء خلال أيامٍ

_ خلال أيام جد جد و لا زي الهيكل الراتبي بتاعو الوقع عليو و إتخارج.. والله حمدوك بقى زي جمال الوالي في المريخ ماشي جايي مستقيل راجع!
والي البحر الأحمر لـ”الانتباهة”: جهات تروّج للمخدّرات لاحتلال الشرق

_ الشرق أتى و الغرب أتى.. لو بترويج المخدرات معناتها الخرتوم ذاااتها دايرين يحولوها.
لجان المقاومة: ترتيبات جديدة لإسقاط الانقلاب

_ الحكم الح يسقط الكورة أقصد الانقلاب منو؟،
أبو هاجة: الإمارات شريك استراتيجي في دعم الانتقال الديمقراطي

_ استراتيجي شديد.. ياخ ادعموا  الرغيف والبنزين خلوا الإنتقال و الكلام الفارغ دا!
حركة جيش تحرير السودان تعلن عن هجومٍ جديدٍ على جبل مون

_ مون اللي مزعل بابا.  ما بنلعب معو!

صحيفة الحراك السياسي :

معلومات خاصة لـ”الحراك السياسي”..حمدوك لم يمانع في العودة مجدّدًا

_ و معلوماتنا الخاصة لم يوافق برضو.. يعني عمل خطاب بتاع (عدم ممانعة)؟
حيدر الصافي: قيادات بـ”قحت” تطمع في منصب رئيس الوزراء

_ ديل طمعانين في أي شى ..ضيعو البلد وقعدو!
لجنة حقوقية تكشف (مخططًا)كبيرًا لجهات”محلية ودولية” لنهب موارد جنوب كردفان

_ شهادة بحث؟؟
قيادات مسار الشرق تهاجم”نظارات البجا” وتعلن عدم الاعتراف بالمجلس

_ الإعتراف سيد الأدلة.. السودان بقى كلو قيادات..!
ـــــــــــــــــــــــــــــــــــــــــــــــــــــــــــــــــــ