نفيسه بوبار

نفيسه بوبار وحل مشكلة العنوسه
* نفيسه
يا اخواتي أنتو براكم عارفين الوضع الحاصل ، والله أنا كل ما أشوف بتي الحسرة تقتلني ، دحين جمعتكم عشان البكا بحررو اهلو وانتوا اصحاب حاره
* علويه
_ يانفوس ما تسوقينا بالطويله الحاصل شنو ، والله انا كل ما اشوفك تكتلي في عيونك الصغار ديل أكيد وراك كارثه
* سعاد
_ صدقت ياعلويه نفيسه افكاره شريره وأكيد ورا الكلام ده مصيبه غايتوه انا بره
* نفيسه
_ مصيبه تاخدك وتسوق معاك علويه ، ده جزاي البقيف معاكم واحل مشاكلكم يحل عصبكم ، هسع ياعلويه عندك كم بت قاعده في البيت
* علويه
_ اربعه ما يقعدن كان قعدن ماكلاهم أنتي ولا صارفه عليهم
* نفيسه
_ الواحده تتريس ما تسبق الحوادث الحاجه القاصدها يقعدو ليه والعمر ماشي ما سالتي نفسك ساااي أنك ممكن تساعدي في حل مشكلتم والله انا سمعت في الرادي أن الرجل يخطب لي بته وان اي نقطة دم تنزل شهريا يحاسب عليها الوالد ، عشان كده ياحروم مافي داعي لرفع النخره وأنتي ياعلويه عندك كم بقره أقصد بت وأنتي ياسعاد وانا عندي ثلاثه والحي يدخر بالبنات احسن حاجه نجتمع مع رجال الحي عشان نحل مشكلة البورة دي والله زادت عن حدها ماعايزه اتكلم عن بناتنا الشر بره وبعيد
* سعاد
_ والله كلامك صاح ياداب وقع لي اي حار ولامس جرحنا البنحاول ندسو لكن طالما فتحتي الجرح مافي مشكله نتعاون مع بعض ومن هسع معاك يانفيسه
( دعو رجال الحي لاجتماع كالعاده في بيت نفيسه )
( اجتمع رجال الحي في انتظار الموضوع الذي جمعوا من اجله )
* نفيسه
_ يا إخواني الموضوع طلع من طور المناقشه ويتطلب حل جزري غير قابل للتفاوض
* علي زوج نفيسه
_ يامرة ما تخشي في الموضوع خلي الكلام الكبار الكبار ده ورانا اشغال عايزين نحصله
* نفيسه
_ دائما ياعلي مستعجل حتي لو الموضوع مهم
* سعاد
_ كلامو صاح ادخلي في الموضوع خلي الجرجره القاعده تعمليها معانا دي
* نفيسه
_ والله ياجماعه أنا لاحظت كميه من البنات قاعدين في البيوت
* علي
_ تقعد فيك حيطه لامانا عشان تقولي كدي
* نفيسه
_ أصبر ياعلي ما اقصده البورة وبنات اتعدت سن الزواج ، سمعت في الرادي اي دورة شهريه تنزل من البت بيحاسب عليها أبوها دحين يا إخواني الموضوع في رقابكم انتو الرجال وتتحاسبو امام رب العالمين ( كل واحد بقي يعاين للتاني)
* عثمان
_ الخلي البنات تبور شنو ما طمعكم أنتو دايرين ودايرين جاين هسع تحملونا المسئولية، والواحده فيكم تقول عرسوها بالملايين ما ياها العنقريب والسحاره مافي رقبتنا ، انتو دائما الواحده لمن تتزنق تشوف اقرب شماعه تعلق فيها
* علويه انحنا رفعنا الرايه البيضه وعايزين نخارج البنوت ديل وبي البسيط انشاءالله زواج جماعي أو عرس كوره المهم الستره والواحده تجيب ليها جني ينفعه
( وبالفعل تم الزواج الجماعي ولأول مرة نفوس تعمل شي بدون مقابل وفائده تعم الجميع )