نفيسه بوبار وحرية الاختيار

نفوس وسعاد وعلويه في جلسة جبنه كالعاده
* سعاد
_ ولد فاطنه جاي من أمريكا وقالو عايز يعرس واحتمال الشهر الجاي بكون في السودان
* علويه
_ عاد يانفوس جنس حاله يخلي بنات امريكا السمحات ويجي يعرس هنا في قريتنا اكان ربطو فيها الحمار يقوم جاري
* سعاد
_ والله كلام ديك ما زي بناتنا يايمه جيه وسماحه مازي الحلبيات الريحتم نحاس نحاس
* علويه
_ انا غايتو بتي ما بقصر معاها من باكر بديها قروش تمشي تجيب أجود انواع الكريمات عشان تضوي زي لمبة النايلون
* نفيسه
_ خليها تمشي مع بتي هي بتعرف محلات كتيره وسمحه
* علويه
_ يختي دي منافسه لازم يكون كل شئ يكون مختلف وانا عارفاك حاسده عايزها تكون ذي بتي وما يقدر يختار ، بري بتي بتعرف السوق ما عميانه منو
* نفيسه
_ دائما مطلعانه حاسدات وراصدات انشاءالله يختار بتك المعصعصه الما بتشبه البنات مش كان اتفسخت واتجلخت
* علويه
_ هووو يانفوس مافي داعي الكلام البتقولي فيهو ده ماله بتي سيمه وقيمه الكلام علي بتك المافيه شئ بتفرز اخير بتي مقسمه
( واستمرت مرحلة الجلخ والكل مستعده ان يقع عليها الاختيار عدا سعاد وبتها كان لديهم قناعات ان الجوهر اهم من المظهر
حضر ولد فاطنه ماشاءالله عليه كسار عديل والبنات داخلات ومارقات التقول عرض ازياء وهو يتلفت ويعاين مافي واحده عجبته من كثرت الاشياء المصنعه من الوان ومكياخ صارخ
دخلت سعاد وبتها لفاطمه يسلمو علي ولده ومن اول نظرة تعلق ببنت سعاد وبدا يسال عنهاووقع الإختيار عليها
* محمد
_ والله يا امي البت دي عجبتني من دون البنات
* فاطمه
_ ياولدي دي شربانه ما فيها شي يشبه البنات . شوف بنات علويه ونفيسه سماحة الدنيا عليهم
* محمد
_ يا امي ده كلو صناعي انا لو كنت عاوز ذي ديل كنت اتزوجت من هناك
بالفعل تم الاختيار علي بت سعاد وحددو موعد للزواج
* علويه
_ ووب علي يانفوس تعبنا راح ساي ، القروش الصرفناها لو دخلنا بيها صندوق ما كان احسن لو اشترينا بيها كبابي ساي كان نفعتنا في رمضان
* نفيسه
_ وا حسرت تعب بتي الما بتنوم الليل تحلم بالسفر لامريكا وكنت ماشه ليها وانا ذاتي حلمت بالسفر لكن الله غالب لقته سعاد لا تعبت ولا اجتهدت ذينا ذي ما بقولو سعد الشينه حسع السمح فيها شنو عشان يعرسه
( فعلا الكلام علي الجوهر )
تم الزواج وسافرت بت سعاد الي امريكا