نادر التوم يكتب – ياخ بريدك (شعر)

ياخ بريدك  كلمات نادر التوم

لحن و غناء (مفاجأة)

لما همست لي بحبك
أحيت في قلبي الغرام
لما قالت ياخ بريدك
ادت لي عمري السلام
…….
طالعة من جوة إحساسك
و مالية دنياي و الكون
معبقة بي عطر أنفاسك
مضمخة بي لغة العيون
تسلمي لي و يسلم راسك
يحفظك ربي و ليك يصون
………
بحبك بحبك نابعه من جوة الضمير
اهدت عمري ابتسامو و بثت فيني العبير
حلت عمري زاهية أيامو
و خلتني من الفرح داير اطير
…….
تعالي و قوليها جنبي
شان يفرهد و يصحى قلبي
شان ينور و يزهو دربي
و روعة أيامي تصير