مشاهدات في الفن والثقافه والمجتمع

مشاهدات
في الفن والثقافه والمجتمع

حرك شلاليفك تزيد مصاريفك

الاحباب الاعزاء
في في الفيس والواتساب وكل الوسائط
في منشورات متداوله بكثره
الناس بتضحك عليها بتتناقلا وتنشره بي ببساطه وحسن نيه من غير ماتفكر في مغزاها والغرض الاتعملت من اجلو
لكين الناس العملوها عندهم هدف اكبر من مجرد اضحاك الناس المنشور فيهو كميه كبيره من الخبث
الماسونيه العالميه مجنده كل جيوشه عشا تدفن عاداتنا وتقاليدنا السمحه وتأثر علينا وتجردنا منها عن طريق النكات والمنشورات البسيطه في شكلها العميقه في مضمونه ومعناها.
والمنشورات البتبث في دواخلنا الاحباط والكراهيه وتفرق افراد الاسره الواحده من بعض.
مثلا اخد عندك المنشور دا كمثال لمنشورات كتييره حايمه ونحنا بنتناقلا بحسن نيه ونشارك في انتشاره بدون تفكير.
المنشور في شكل نكته بيتكلم عن الابتسامه٠
ﺍلاﺑﺘﺴﺎﻣﺔ ﻓﻲ ﺍﻟﺴﻮﺩﺍﻥ !!
ﺗﺒﺘﺴﻢ لي ﺃﺧﻮﻙ
يقول ليك ﺩﺍﻳﺮ ﺷﻨﻮ !!
ﺗﺒﺘﺴﻢ لي ﺃﻣﻚ
تقوليم ﺳﺠﻤﻲ، ﻋﻤﻠﺖ ﺷﻨﻮ !
ﺗﺒﺘﺴﻢ لي ﺃﺑﻮﻙ
يقول ليك ﻣﺎ ﻋﻨﺪﻱ ﻗﺮﻭﺵ !!
تبتسم لي مرتك
تقول ليك جنيه مابديك ليهو ودهبي يحرم عليك انا حلفت بحياة ابوي ما ابيع منو جرام !!
ﺗﺒﺘﺴﻢ لي ﻏﺮﻳﺐ يقول ليك ﺑﺘﻌﺮﻓﻨﻲ ؟ !!
ﺗﺒﺘﺴﻢ لي ﻭﺍﺣﺪه ترفع عليك ﻗﻀﻴﺔ ﺗﺤﺮﺵ !!
ﺗﺒﺘﺴﻢ ﻓﻲ ﻣﻜﺎﻥ ﻋﺎﻡ يعتبروك ﻋﻮﻳﺮ !!
ﺗﺒﺘﺴﻢ لي ﻣﺴﺌﻮﻝ يعتبروها كسير تلج و ﻣﺼﻠﺤﺔ !!
ﺗﺒﺘﺴﻢ لي ﺭﻭﺣﻚ يقولو عليك ﻣﺠﻨﻮﻥ !!
ﺍﻟﺸﻌﺐ ﺍﻟﺴﻮﺩﺍﻧﻲ ﻣﺎ ﺗﻨﻔﻊ ﻣﻌﺎﻫﻢ ﺍﻹﺑﺘﺴﺎﻣﺔ ﺇﻻ ﺇﺫﺍ ﻛﻨﺖ ﻣﻴﺖ سبحان الله !!
ﻳﻘﻮلو ﻟﻴﻚ : ﻳﺎﺳﻼﺍﺍﺍﺍﺍﺍﻡ ﺳﺒﺤﺎﻥ ﺍﻟﻠﻪ الزول دا ﻣﺎﺕ ﻣﺒﺘﺴﻢ!!
ناسين اومتناسين عن عمد انو دينا الحنيف حثانا علي التبسم واعتبر الابتسامه في وجه اخيك صدقه كما قال المعصوم من الذلل النافي للعلل المصطفي عليه صلاة الله وسلامه
تقول دراسه نشرت مؤخرا ان الازواج وافراد العائله الذين يبتسمون في وجه عائلاتهم وزوجاتهم قبل مغادرة المنزل غالبا ما يكسبون اموالا كثيره …عشان كده السودانيين كلهم مفلسين ،،،،،شارك معنا في حملة زراعة الابتسامه بين الازواج السودانيين تحت شعار( حرك شلاليفك تزيد مصاريفك)

زكريا عطبراوي
atbra13579@gmail.com