محمد العاليابي يكتب ريدة شنو؟؟
ريدة شنو
مافي حاجه بتستحق
علشانه تبكي وتنهزم
ريدة شنو البتخلي فرحك
من دواخلك ينعدم
خلي دمعك في عيونك
وخفف أحزانك شويه
ولو بتقدر تفرح أفرح
وفارق أزمان الأسيه
منو البيستاهل عشانو
تقدم السنوات هديه
ياخي سيبنا من المحنه
إذا بقت بالشكل ديا
الأمنيات الواقفه جنبك
راجيه منك مدت إيدك
لسه عمرك في شبابو
وألف زول بتمنى ريدك
مالك الآلام شقنك
والجراح أبكت نشيدك
لم شتات عشمك عليك
أما الجراح ممكن تفيدك
والحبيبات البراعن
للمشاعر ماكتار
والغرام في دا الزمان
أقسى وأصعب إختبار
الشفيف ماأظنو يقدر
ينجو من هذا الودار
يبقى بس على أيه بتبكي
دا مازمان الإنكسار
محمد.عبد القادر العاليابي