لا بريدك ولا بحمل بلاك

ﺍﻟﻮ…الو…ﺍﻳﻮﻩ ﻳﺎﺣﺴﻦ ﺩﻯ ﺍﻧﺎ ﻣﺤﺎﺳﻦ ﻣﺎ ﻋﻨﺪﻯ ﺭﺻﻴﺪ ﺿﺮﺑﺖ ﻟﻴﻚ ﻣﻦ ﺗﻠﻔﻮﻥ إحسان ﺍﺧﺘﻰ.
وضاربة لي مالك…ﻓﻰ ﺷﻨﻮ تاني؟ ﻗﺒﻴﻞ ﻣﺶ ﻫﻴﺠﺘﻰ ﺍﻟﺪﻧﻴﺎ ﻭﺟﺒﺘﻰ ﺍﺑﻮﻙ ﻭقلتي دايرة الطلاق وﺍﺗﻔﻘﻨﺎ ﻋﻠﻰ كدا؟
ﺃﻳﻮﻩ ﺗﻄﻠﻘﻨﻰ ﺑﺲ.
ﺧﻴﺮ خلاص خليها التصبح الواطة، ﺑﻜﺮﻩ ﺩي بطلقك ﻭﺍﺟﻴﺐ ﻟﻴﻚ ﻭﺭﻗﺘﻚ ﻟﺤﺪﻯ ﺑﻴﺖ ﺍﺑﻮﻙ ﻛﻤﺎﻥ ..ﻋﺎﻳﺰﻩ ﺣﺎجة ﺗﺎﻧﻰ؟
عاوزة ﻣﻨﻚ ﺷﻨﻮ ﺗﺎﻧﻰ؟ ﻫﻮ انت ﻋﻨﺪﻙ ﺣﺎﺟﻪ ﻳﻌﻮﺯﻭﻫﺎ؟ ﻳﺎ ﺍﻟﻜﻠﺘﺎﻥ ﻳﺎ ﺍﻟﻌﺪﻣﺎﻥ ﻳﺎ ﺍﻟﺼﺮﻣﺎﻥ يا السجمان يالرمدان..ﻣﺎ ﻋﺎﻳﺰﻩ ﻏﻴﺮ ﻭﺭﻗﺘﻰ ﺑﺲ ﺍﻳﻮﻩ ﺗﻄﻠﻘﻨﻰ ﺍنت ﻗﺎﻳﻞ ﺑﻨﺎﺕ ﺍﻟﻨﺎﺱ لعبة ﻓﻰ اﻳﺪﻙ !! ﻳﺎﻳﺎﺑﺎ ﺟﺎﻳﺐ ﻟﻰ ﺍﻟﻤﻌﺪﻭﻡ ﻭﻻ الدهب المختوم ﻭﻻ ﻭﺻﻠﺘﻨﻰ ﻣﻄﺎﺭ ﺍﻟﺨﺮﻃﻮﻡ !! ﻣﺎ ﻋﻤﺮﻱ ﻛﻠﻮ ﻗﻀﻴﺘﻮ ﻣﻌﺎﻙ ﻓﻰ ﺍﻟﺸﻠﻬﺘﻪ واللهلهة والبهدلة ﻭﺍﻟﺒﺸﺘﻨﻪ…ﺍﻗﻌﺪ ﻣﻌﺎﻙ ﻟﻴﻪ !! ﻣﻦ ﺍلتلاجة ﺍﻟﻤﻠﻴﺎﻧﻪ ﻭﻻ ﺍﻟﺠﻴﻮﺏ ﺍﻟﻮﺭﻣﺎﻧﻪ ولا… ﻣﺎ ﺧﻠﻴﺖ مرا ﻓﻰ ﺍﻟﺤﻠﻪ ﻣﺎ اتدينت منها…ﻣﺎﻟﻚ ﺍﻧﺘﺎ ﺷﺎﻳﻞ ﺣﺎلي ﻭﻧﺎقر ﻃﺎﺭي.. ﻳﻮﻡ ﺟﺒﺘﻨﻰ ﻣﻦ ﺑﻴﺖ ﺍﺑﻮﻯ ﻣﺎكنت ﺯﻱ ﺍﻟﺰﻫﺮﻩ المفتحة.. ﻣﻴﺔ ﺭﺍﺟﻞ ﺇﺗﻘﺪﻡ ﻟﻰ ﻣﺎ ﺇﺷﺘﻐﻠﺖ ﺑﻴﻬﻢ !!
ﻓﻴﻬﻢ :ﺍﻟﻤﻬﻨﺪﺱ ﻭﺍﻟﺪﻛﺘﻮﺭ ﻭﺍﻟﻤﺤﺎﺳﺐ ﺍﻻ بس ﺍﻟﻨﺼﻴﺐ ﻭﻗﻌﻨﻰ ﻓﻴﻚ ﺍن شاء اﻟﻠﻪ ﺗﻘﻊ ﻓﻴﻚ ﺣﻴﻄﻪ.. ﺍﻧﺎ ﺷﺒﻬﻚ؟ ﻳﺎ ﺍﻟﻠﻪ ﻗﺒﺤﻚ.. ﻭﻻ ﺷﺒﻪ ﺍﻟﺒﺸﺘﻨﻪ والعشتنة ﺩﻯ؟ ﻣﺎﻓﻰ ﺣﺎﺟﻪ ﻏﻴﺮ ﺍلطلاق ﺑﺲ ﺗﻄﻠﻘﻨﻰ ﺑﻜﺮﻩ من الصباح.. ﻭﺍﻧﺎ ﺭﺍﺟﻴﺎﻙ ﻓﻰ ﺑﻴﺖ ﺍﺑﻮﻯ.
ﺍﻧﺘﻰ ﻫﺴﻪ ﺑﺘﻨﻘﻲ ﻣﺎﻟﻚ؟ ﻧﺤﻨﺎ ﻣﺶ ﻗﺒﻴﻞ انتهينا من ﺍلكلام ﺩﺍ وشلتي شنطتك ﻭﻣﺸﻴﺘﻰ ﻣﻊ ﺍﺑﻮﻙ؟ ﺍﺻﺒﺮﻯ ﺑﺲ ﻟﺤﺪﻯ ﺍﻟﺼﺒﺎﺡ ﺑﺘﺠﻴﻚ ﻭﺭﻗﺘﻚ لحدي بيتكم.
ﺍﻟﺼﺒﺮ يا يمة ﺍﻧﺎ ﺧﻠﻴﺖ ﻓﻴﻬﻮ ﺑﺎﻗﻰ ﻣﻌﺎﻙ؟ ﺃﻳﻮﻩ ﺑﺲ ﻭﺭﻗﺘﻰ .. ﻣﺎﻓﻰ ﺍﻯ ﺣﺎﺟﻪ ﺗﺎﻧﻰ ﺑﺘﻠﻤﻨﻰ ﺑﻴﻚ…ﻣﺎﻟﻰ ﻳﺎﻳﻤﻪ ﻣﺎ ﻋﻨﺪﻯ ﺍﺑﻮ، ﻭﻻ ﻣﺎﻋﻨﺪﻯ ﺍﺧﻮﺍﻥ؟ ﻭﺍﻟﻠﻪ ﺍﺧﻮﺍﻧﻰ ﻳﺴﺪﻭ ﻋﻴﻦ ﺍﻟﺸﻤﺲ.. ﺷﻨﻮ ﺍﻟﺒﻘﻌﺪﻧﻰ ﻣﻌﺎﻙ ﺗﺎﻧﻰ؟ ﺍﻧﺎ ﻧﺎﻗﺼﻪ ﻫﻢ ﻭﻻ ﻏﻢ؟ ﻭﺍﻟﻠﻪ ﺍﻟﻬﻢ ﺍﻟﺸﻴﻠﺘﻨﻰ ﻟﻴﻬﻮ ﻣﺎﻓﻰ ﻣﺮة ﺑﺘﺸﻴﻠﻮ .. ﻳﺎ ﻋﻴﺸﺔ ﺍﻟﻌﺪﻡ ﻭﻭﻻﺩﺓ ﺍﻟﻨﺪﻡ .. ﺍﻧﺎ ﻛﺎﻥ ﻣﺎ ﺻﺒﻮﺭة ﺑﻘﻌﺪ ﻣﻌﺎﻙ ﺍنت؟ مالي يا يمة ﻧﺎﻗﺼﻪ ﺷﻨﻮ ﻣﻦ ﺍﻟﻨﺴﻮﺍﻥ؟ .. ﻛﻞ ﻳﻮﻡ ﺍﻧﺎ ﺍﻗﻮﻝ ﺑﻜﺮﻩ ﺗﺘﺼﻠﺢ وتتألف وتتسمح ﻭﺍنت ﻣﺎﺷﻰ ﻟﻰ ﻭﺭﺍﺀ .. ﻗﻠﺖ ﻟﻴﻚ ﺷﻮﻑ ﻟﻴﻚ ﺷﻐﻞ ﺑﺎﻟﻠﻴﻞ اشتغلت ليك ﺍﺳﺒﻮﻉ ﻭﺍﺣﺪ ﻭﺟﻴﺘﻨﻰ ﻋﺎﻭﺝ ﺑﻮﺯﻙ ﺍﻟﻤﺎﺑﺸﺒﻪ ﺑﻮﺯ ﺍﻟﺮﺟﺎﻝ ﺩﺍ .. ﻗﻠﻨﺎ ﻟﻴﻚ ﺃﻏﺘﺮﺏ ﻭﺳﻮﻗﻨﺎ ﻣﻌﺎﻙ ﺷﺎﺑﻜﻨﻰ ﻣﺎ ﺑﻘﺪﺭ ﺍﻓﺎﺭﻕ ﺍﻟﺒﻠﺪ … ﺍنت ﺍﻟﺒﻠﺪ ﻋﻨﺪﻙ ﻓﻴﻬﺎ ﺷﻨﻮ؟ ﻏﻴﺮ ﺑﻨﻄﻠﻮﻧﻚ ﺍﻟﻨﺎﺻﻞ ﺩﺍ ﻭﻋﺮﺍﻗﻴﻚ ﺍﻟﻤﻘﻄﻊ ﻭﺳﺮﺍﻭﻳﻠﻚ ﺍﻻﺗﻨﻴﻦ.
ﻳﺎﺑﺖ ﺍﻟﻨﺎﺱ ﺍﻧﺘﻰ ﺩﺍﻳﺮﻩ ﻣﻨﻰ ﺷﻨﻮ ﺗﺎﻧﻰ؟ ﻭﺭﻗﺘﻚ ﻭﺑﺘﺠﻴﻚ ﺑﻜﺮﻩ.
ﺑﺎﻟﻠﻪ ﺷﻮﻑ ﺩﺍ !!! يورق صفقتك يايابا شاحدة ليك الله، ﺍﻟﻮﺭﻗﻪ ﺩﻯ ﺍﻧﺎ ﺍﻟﻄﻠﺒﺘﻬﺎ…ﻭﺍﻧﺎ ﺍﻟﻤﺼﺮﻩ ﻋﻠﻴﻬﺎ…ﻗﺎﻝ ﻭﺭﻗﺘﻚ ﻭﺑﺘﺠﻴﻚ ﺑﻜﺮﻩ!! ﻭﺍﻟﻠﻪ ﺍﻧﺘﺎ ﻭﺭﻗﺘﻚ ﺫﺍﺗﺎ ﺗﺠﻰ ﻣﻜﺮﻓﺴﻪ ﺯﻳﻚ ..ﺍنت ﺷﻨﻮ ﺍﻟﻌﻨﺪﻙ ﺍﻟﺒﻴﺸﺒﻪ ﺣﺎﺟﺎﺕ ﺍﻟﻨﺎﺱ؟ امشي طوالي ﻋﺮﺱ ﺑﺖ ﺟﻴﺮﺍﻧﻜﻢ ﺍﻟﻌﻴﻨﺎ ﻃﺎﻳﺮﻩ ﺩﻳﻚ ..ﺍﺻﻠﻬﺎ ﺗﺸﺒﻬﻚ ﻭﺗﺸﺒﻬﺎ.
ﺍن شاﺀ ﺍﻟﻠﻪ بعرسها ﺧﻼﺹ ﺍﻗﻔﻠﻰ ﺍﻟﺘﻠﻔﻮﻥ ﻭﺑﻜﺮﻩ ﻧﺨﻠﺺ ﻣﻦ ﺍﻟﻤﻮﺿﻮﻉ ﺩﺍ…
ﺃﻳﻮﻩ ﻧﺨﻠﺼﻮ، ﺩﺍ ﻳﻜﻮﻥ ﻳﻮﻡ ﺍﻟﺴﻌﺪ ﺍﻧﺎ ﻗﺎﻋﺪﻩ ﻣﻌﺎﻙ ﻋﺸﺮة ﺳﻨﻴﻦ ﻣﺎ ﺿﻘﺖ ﺭﺍﺣﻪ..ﻋﺸﺮﻩ ﺳﻨﻴﻦ ﻳﺎﺣﺴﻦ ﺍﻧﺎ ﻗﺎﻋﺪﺍﻫﺎ ﻣﻌﺎﻙ وصابرة معاك علي الحلوة والمرة ﺍﺧﺮتها ﺗﻘﻮﻝ ﻟﻰ ﺑﻌﺮﺱ ﺑﺖ ﺟﻴﺮﺍﻧﺎ؟
ﺍﻧﺘﻰ ﻣﺶ ﻗﻠﺘﻰ ﻟﻰ ﻋﺮﺳﺎ؟… ﺗﻌﺮﺳﺎ ﻳﺎﺣﺴﻦ !! يعرس ركبيك انشاء الله ﻳﺎ حسن…ﺗﻌﺮﺳﺎ ﻓﻮﻗﻰ ﺍﻧﺎ؟
ﺍﻧﺘﻰ ﻣا قلتي ﻋﺎﻳﺰﻩ ﺍلطلاق وقلتي لي اعرس بت جيرانا البتشبهني؟ ﻋﺎﻳﺰﺍﻧﻰ ﺍﻗﻌﺪ ﺭﺍﻫﺐ ﺑﻌﺪﻙ؟
ﺗﻘﻌﺪ ﺍﻧﺸﺎء اﻟﻠﻪ ﻓﻰ ﺟﻬﻨﻢ يا حسن ﺧﻼﺹ ﺍﻧﺘﻬﻴﻨﺎ…ﻭﻛﻼﻡ ﻛﺘﻴﺮ ﺍﻧﺎ ﺫﺍﺗﻰ ﻣﺎ ﺩﺍﻳﺮﺍﻫﻮ ﻣﻌﺎﻙ…نسيت اكلمك ﺍﻧﺎ ﻗﺒﻴﻞ طلعت مستعجلة ﺧﻠﻴﺖ ﺍﻟﻬﺪﻭﻡ ﻓﻰ ﺍﻟﺤﺒﻞ ﻟﻤﻬﻢ ﻭﺩخلهم ﺟﻮﻩ ﺍﻻﻭﺿﻪ شايفة في غبار، ﻭﻣﺎ ﺗﻨﻮﻡ ﻓﻰ ﺍﻟﺒﺮﻧﺪﻩ ﺍﻟﺠﻮ ﺑﺎﺭﺩ شديد ﺍﻟﻠﻴﻠﻪ ﺍنت ذاتك زي الشفع ﻣﺎ ﺑﺘﺘﻐﻄﻰ ﻛﻮﻳﺲ، بكرة تعديها لي كلها تعطس، وجرسة وما بتتحمل النزلة، عشان نزلتك كعبة شديد وبتجيك معاها حمى..انت اسع اتعشيت وبلعت حبوبك ولا لا؟
ما اتعشيت ولا بعلت الحبوب؟
مالك يا حسن داير تعمل لي جلطة، الدكتور قال ليك شنو؟! ما قال: تتعشى وتبلع الحبوب، كر علي يا يمة، خلاص ﺑﻜﺮﺓ ﺗﺠﻲ ﺗﺎﺧﺪﻧﺎ ﺍﻟﺒﻴﺖ ﺃﻧﺎ ﻭﺍﻷﻭﻻﺩ، امي ادتني ﺑﻄﺎﻧﻴﺔ ﺟﺪﻳﺪﺓ ﺟﺎﺑﺎ ﻟﻴﻬﺎ علي ﺃﺧﻮﻱ ﻣﻦ ﺍﻟﺴﻌﻮﺩﻳﺔ، ﻭﻗﺎﻟﺖ ﻣﺎ ﻋﺎﻳﺰﺍﻫﺎ، ﻋﻨﺪﻫﺎ بطانية غيرها…ﻗﺎﻟﺖ ﻟﻲ شيليها غتي بيها اولادك من الصقت…ﻭﺑﻌﺪﻳﻦ ﺑﺮﺿﻮ ناس ابوي لقيت ﻋﻨﺪهم ﺃﻧﺒﻮﺑﺔ ﻏﺎﺯ شل ﻣﻠﻴﺎﻧﺔ، وما محتاجين ليها في اتنين غيرها نشيلها ﻣﻌﺎﻧﺎ…قلت لي امي: والله حسن يوم داك جاء مصدع من صف الغاز…ﺑﻜﺮﺓ من ﺍﻟﺸﻐﻞ ﺗﻌﺎﻝ ﻋﻠﻴﻨﺎ ﻋﺪﻳﻞ ﻧﺘﻐﺪى ﺳﻮﺍ مع ناس امي ﻭﻧﻤﺸﻲ بيتنا، عادل اخوي بيوصلنا بالأمجاد…ما ﺗﻔﺘﻜﺮ يا حسن ﺃﻧﺎ ﻣﺎ ﺯﻋﻼﻧﺔ ﻣﻨﻚ…ﺃﻧﺎ ﺯﻋﻼﻧﺔ ﺷﺪﻳﻴﻴﻴﻴﺪ والله…ﺑﺲ ﻗﻠﺖ ﺍﻟﻠﻪ ﻳﻠﻌﻨﻚ ﻳﺎ إبليس
استغفر الله