كوره بس

السبت اخضر
مقولة قديمة من زمن حفرو البحر ومامعروف صحة المقولة بس الناس خلاص اتعودت وصدقت المقولة وبقت زي الحاجة المهمة الماممكن تتجاهلة علي حال من الأحوال
ناس الكورة طبعا مصدقين وعندهم احساس عميق بانو يوم السبت دا دائما اخضر ويوم للنصر مع العلم ضقنا في كم سبت كم من هزيمة وفجيعة كروية تتحدث عنها الاجيال سنين وسنين
هسي الخواجات ديل ماعندهم حاجةاسمها سبت او احد كل الايام واحد
من الحاجات الظريفة السبت هو يوم سوق لعدد من الاماكن في السودان اكون لامي عدد من الحاجات السعيدة والمعارف
ناس الهلال والمريخ حقو بعد دا اوعا افكرو في سبت اخضر اوكحلي لانو كل الايام واحد ومافي يوم احسن من يوم باقي السبت اخضر
ناس الاعراس برضو عندهم حالة عجيبة من التوهم ضد يوم السبت هسي لو ملاحظين مافي اي عرس بقام يوم السبت الانادر
وطبعا دا خوف من بعض الاوهام والمفاهيم
اللهم اجعل كل ايامنا خضر واسعد كل سكان العالم بالجمال والخضرة