علي صفيح ساخر نادر التوم حصالة أرطغرل

علي صفيح ساخر نادر التوم
حصالة أرطغرل!
(١)
إضاءة: أشوووفك بكرة في الموعد! غلبتك قبل كدا مرات و لسه. .. القادم أخطر!
تسخينة : الكرت طلع حق السماني و لا زول تاني؟
تسخينة ثانية: الحصال
(٢)
أ غدا ألقاك؟
(٣)
جمعة تاني و السماني جاب التاني
……..
ساندوتشات
على طريقة أرطغرل
يا أبطال أنتم محاربون أشداء
بكم حققنا فتوحات كثيرة
لن تستعصي عليكم قلعة الهلال
ستفتحونها كما فتحتموها من قبل
و سترفعون أعلامكم لترفرف كما (الجوهرة)
في المناسبات الجديدة و السعيدة كنتم دوما تفرحون أهل قبيلتكم الحمراء
و الآن بهذه المناسبة و بدون مناسبة أعيدوا إنتصاراتكم
إن شاءالله.. إن شاءالله (الأبطال)
إعلموا أن الحرب صبر ساعة و الثبات سيقودكم للنصر
إن شاءالله إن شاءالله
يا أبطال:
كلكم نمر قوت.. و سمانسي
كلكم أشداء و الواحد منكم بعشرة
أفعلوا ما بوسعكم و النصر حليفكم
إن شاءالله
و أعلموا أن قبيلتكم تضع الأمل عليكم
و دعواتهم بالنصر المؤزر تحفكم
آمين آمين آمين
يا أبطال: يسمونها مقبرة و سندفنهم فيها بإذن الله.. هيا إنطلقوا على بركة الله!
تم تررم تمتم …. (موسيقى)
ايهيهي هي (صهيل)!
…. ……….
صراع البلابل!
صارعني دايما مبتسم
تطورت المصارعة كثيرا و تغيرت
كانت بدائية: الحلبة الجمهور الملاعب
ثم مضت قدما كما ناشيونال جيوغرافيك
و صار أكثر ما يغيظ فيها التمثيل
و الكلام الكتير (زي إعلام جمهور الهلال )
و اللعب بره الملعب أكثر من الميدان
و الاساءات و الإسفاف للزملاء و المنافسين على حد سواء
و آخر تقليعة: جابت ليها مصارعة نسوان
……
مباريات كانت فردية راس لي راس
ثم صارت جوز جوز (زي أقوان السماني)
ثم ثلاثيات
ثم زي شغل الكيزان و القحاطة و المدنيين و العساكر : جاطت
كل زول يصارع التاني و دايرين فائز واحد فقط
تظهر التكتلات و الشلليات لتصفية الخصوم لترسى على نفرين
يكون كلو واحد جازف مجموعة من المصارعين و أقصاهم
بجانب طبعا إقصاء بعضهم البعض
و حلبة مجموعة المريخ يحتدم صراعها..
و في النهاية دايرين ٢ (المريخ و أي واحد.. و غالبا م يكون ما من البلد و لا أخت البلد يا شقيقة )
الآن المواجهة بين قمتنا السودانية
و المريخ لو أسقط غريمه (و لو بالتعادل) ممكن يقصيو
و الجميل إنو بعد ما يقصيو ممكن يستفيد منو في إقصاء (التانين) إن شاء الله
تخريمة: المصارعين البتكلموا كتير و يصرحوا و يتجرسو و يعيطو (زي الهلال) غالبا بنغلبو و ببقواحصالة
دا الحاصل بس#
(٤)
مهاجم الهلال الكان بلعب في المريخ قال لو سجلت في المريخ ح احتفل
عادي وةحقك يا كابتن خصوصا بعد الانتقادات اللقيتها بعد اللقاء السابق رغم إنك سجلت
لانو اعلام وجمهور الهلال داير لاعب يسجل بطولات ما أهداف في المريخ
ثم إنو لو سجلت هاتريك و المريخ جاب ٣ فريقك ح يطير.. أهاالإحتفال في شنو؟؟
(٥)
كنت داير ها في إستاد السلام عشان نقول للحمام(السلام)
(٦)
تدوينة:
أي مباراة بدون جمهور المريخ بفوز
(٧)
رمضان قدام الأهلي كان أمره عجب
في آخر لقاء في السودان ضيع بلنتي
و في مصر ضيع إنفراد…
ما عارفو عدم حظ (زي ابراهومة)و لا متهيب الإسم؟
قلبي يحدثني أن رمضان سيعوض المريخاب غدا و في الرد مع الأهلي بإذن الله.
ساخر بارد
مدرب المريخ قال عالجنا أخطاء اللاعبين (و هي قليلة) و هذا جيد لكن قبل هذا عالج أخطاءك أنت (و ما أكثرها)
غايتو المخلينا متفائلين حظك طيب مع أبو نقطة… و بتخليو يعمل عيوطة طوالي
باص بيني: بعد ان هزم المريخ الهلال في ربيع الفات كتب لي الأديب عبد الحليم سر الختم: المريخ يهزم الهلال على الطريقة السمانية
و عقب الثنائية كتبت: طائر السمان يبني عشين في شباك عيوطة!
جد جد: بإذن الله الليلة نعرف الدلاقين منو!
و ما يضير البحر أمسى زاخرا إن رمى فيه غلام بحجر؟؟
و يظل المريخ الحاضر و المستقبل و التأريخ
المخدرات خطر داهم مكافحته مسؤولية الجميع
خلو بالكم من عيالكم
آخر قطرة: الليلة ح نعرف الأخد الكرت منو إن شاء الله!
أللهم صل وسلم وبارك على سيدنا محمد المنصور بالرعب و آله!
و هذه بصمتي.