على صفيح ساخر نادر التوم
على صفيح ساخر نادر التوم
عيوطة مبسوطة!
تسخينة: الشاحن (في وضع الطيران) بشحن سريع.. و الفريق في وضع الطيران برضو!
زمان في الإبتدائي الله يديها الصحة و العافية أستاذتنا محاسن عبد الرحمن آدم
لما زول في الفصل يجاوب و الباقين يصفقوا
بتقول : (ناس آمنة يحجن و نحن نزغرد)
مثل بقى عالق بالذاكرة من كنا بندرس لحدي ما بقينا بندرس و نحضر زمن الناس بتترس
و الأهلي القاهري فاز على المريخ فوز بنكهة السعادة لانو ما كان متوقع
و في ناس ما قادرين يفوزوا و لا يجاوبو فرحوا
ألا يذكرنا هذا بمثل أستاذة محاسن؟
كلو خير
تعادل المريخ كان سيحقق مكاسب كتيرة:
١/ ضرب عصفورين بحجر أبو نقطة السوداني و أبو نقطة المصري كان إنزاحو من دربو
٢/ ضمان التاهل بنسبة كبيرة
٣/ تجريب العناصر الما لعبت
٤/دخول دولارات الخزينة.
لكن كلو لي خير .. بتعوض إن شاءالله طالما في (حصالة) راجينا!
كرت السماني
الواقع أن حكاية ٢ و ١٣ الهلالية و التي قال عنها رئيس الهلال الراحل الطيب عبدالله: (وصمة عار على جبين الهلال)
طردوا الثعلب.. طلعوا كلهم ثعالب
و يجو يقولو لاراش و شنو ما عارف.
و هسه مفتكرين إنو الكرت التاني للسماني
ياخ ركزوا ال للسماني (القون التاني) ما الكرت.
بعد القمة
مدرب المريخ دا (عندو خطوة) مع الجماعة .. بعرف ليهم كويس
لذلك لا تفرطوا فيه عضوا عليه بالنواجز على الأقل للجولة القادمة
نتأهل بس و بعد ذلك لكل حادث حديث.
يا ساتر !
أبو نقطة يعاني و كل زول ما رضيان بالتاني
و الجرائد شتائم (تحير)
و الجمعية إنقلبت حلقة مصارعة
و دا كلو ما حرك النقطة من محلها
نقطة .. إنتهى الموضوع
و ما يضير البحر أمسى زاخرا إن رمى فيه غلام بحجر
و يظل المريخ الحاضر و المستقبل و التأريخ.
المخدرات خطر داهم مكافحته مسؤولية الجميع خلو بالكم من عيالكم.
أللهم صل وسلم وبارك على سيدنا محمد وعلى آله وصحبه بقدر عظمة ذاتك يا أحد.
و هذه بصمتي