سمحة السمحات (شعر)
سمحة السمحات
سمحة السمحات الصغيرونه
الجمال ساكن جوه في عيونه
البتشرب نز وديمه رويانه
من حبيبة الروح قالو بغرانه
عاشق الأغصان ردد ألحانه
زي قمر دورين تبسم أسنانه
ملامحه تفررح وتجبر الخاطر
كلامه زي الفل والنرجس العاطر
لحظها الفتان منو ياساتر
سيف غرامه سنين لي القلوب باتر
مره جات تقدل والصباح دااابو
خلت السارحين ليها يتشابو
الصغار بلحيل في الحنين ذابو
الكبار جنو والشباب شابو
محمد عبد القادر العاليابي