جلكسات
جيلاني جلكسات
ﺧﺬﻭ ﺍﻟﺤﻜﻤﺔ ﻣﻦ ﺍﻓﻮﺍﻩ ﺍﻟﻤﺠﺎﻧﻴﻦ -:
ﺣﻮﺍﺭ ﺑﻴﻦ ﻣﺮﻳﺾ ﻧﻔﺴﻲ ﻭﺩﻛﺘﻮﺭ -:
ﺍﻟﺪﻛﺘﻮﺭ : ﺍﻟﻠﻴﻠﺔ ﺷﻨﻮ ﻳﺎ ﺣﺴﺎﻥ ؟؟
ﺣﺴﺎﻥ ﺍﻟﻤﺠﻨﻮﻥ : ﺍﻟﻠﻴﻠﺔ ﺍﻟﺴﺒﺖ ﻳﺎ ﺩﻛﺘﻮﺭ .
ﺍﻟﺪﻛﺘﻮﺭ : ﻭ ﺑﻜﺮﺓ ؟؟
ﺣﺴﺎﻥ ﺍﻟﻤﺠﻨﻮﻥ : ﺑﻜﺮﻩ ﺍﻟﺴﺒﺖ ﺑﺮﺿﻮ ﻳﺎ ﺩﻛﺘﻮﺭ .
ﺍﻟﺪﻛﺘﻮﺭ : ﻳﻌﻨﻰ ﺍﻟﻠﻴﻠﺔ ﺍﻟﺴﺒﺖ ﻭ ﺑﻜﺮﺓ ﺑﺮﺿﻮ ﺍﻟﺴﺒﺖ ﻳﺎ ﺣﺴﺎﻥ ؟؟
ﺣﺴﺎﻥ ﺍﻟﻤﺠﻨﻮﻥ : ﺍﻳﻮﻩ ﻳﺎ ﺩﻛﺘﻮﺭ
ﻃﻴﺐ ﺍﻷﺣﺪ ﺑﺠﻰ ﻣﺘﻳﻦ ؟؟
ﺣﺴﺎﻥ ﺍﻟﻤﺠﻨﻮﻥ : ﺍﻻﺣﺪ ﺑﺠﻰ ﻟﻤﺎ ﻧﺤﺲ ﺃﻧﻮ ﺍﻟﻴﻮﻡ ﺃﺧﺘﻠﻒ ﻋﻦ ﺍﻣﺒﺎﺭﺡ …
ﻟﻤﺎ ﻧﺤﺲ ﺃﻧﻮ ﺍﻟﺪﻧﻴﺎ ﺃﺗﻘﺪﻣﺖ ﺑﻴﻨﺎ ﺧﻄﻮﺓ …
ﻟﻤﺎ ﻋﺪﺍﻟﺔ ﺍﻟﻠﻴﻠﺔ ﺗﺒﻘﻰ ﺃﻛﺘﺮ ﻣﻦ ﻋﺪﺍﻟﺔ ﺃﻣﺒﺎﺭﺡ …
ﻟﻤﺎ ﻧﺤﺲ ﺃﻧﻮ ﻇﻠﻢ ﺍﻟﻠﻴﻠﺔ ﺃﻗﻞ ﺑﻜﺘﻴﺮ ﻣﻦ ﻇﻠﻢ ﺃﻣﺒﺎﺭﺡ …
ﻟﻤﺎ ﻧﻠﻘﻲ ﻟﻘﻤﺔ ﻧﻈﻴﻔﺔ ﻭﺭﺧﻴﺼﺔ … ﻟﻤﺎ ﺗﻨﻀﻒ ﺍﻟﺒﻠﺪ ﻣﻦ ﺍﻟﻈﻠﻢ ..
ﻟﻤﺎ ﻧﺤﺲ ﺃﻧﻨﺎ ﻻﻗﻴﻴﻦ ﻣﻜﺎﻥ ﻓﻰ ﺣﺎﻓﻠﺔ ﺭﺧﻴﺼﺔ ﺍﻭ ﻣﺴﺘﺸﻔﻲ
ﻧﻀﻴﻒ ﺑﺎﻟﻤﺠﺎﻥ …
ﻟﻤﺎ ﻧﺤﺎﺳﺐ ﺍﻟﻤﺴﺆﻭﻝ ﻭ ﻫﻮ ﻟﺴﻪ ﻣﺴﺆﻭﻝ … ﻟﻤﺎ ﺍﻟﻤﻌﻠﻢ ﻳﺮﺟﻊ ﻣﻌﻠﻢ ﻣﺎ ﻣﺘﺤﺼﻞ ﻓﻠﻮﺱ .. ﻟﻤﻦ ﻳﺒﻘﻰ ﺍﻟﺘﻌﻠﻴﻢ ﻭﺍﻟﺼﺤﺔ ﻣﺠﺎﻥ
ﻟﻤﺎ ﻧﺼﺒﺢ ﺩﻭﻟﺔ ﻣﻨﺘﺠﺔ ﻣﺎ ﺩﻭﻟﺔ ﺟﺒﺎﻳﺎﺕ ..
ﻟﻤﺎ ﻧﺤﺲ ﺃﻧﻨﺎ ﺃﺗﻘﺪﻣﻨﺎ ﺧﻄﻮﺓ
ﺃﻭ ﺃﺗﺮﻗﻴﻨﺎ ﺣﺒﺔ .. ﺑﻌﺪ ﺩﻩ ﻳﺤﺼﻞ ﺑﺠﻲ ﺍﻻﺣﺪ ﻳﺎ ﺩ ﻛﺘﻮﺭ .
ﻗﺎﻝ ﻟﻴﻚ ﺍﻟﺪﻛﺘﻮﺭ ﻃﻠﻊ ﺍﻟﺴﻤﺎﻋﻪ ﺍﺩﺍﻫﺎ ﻟﻴﻬﻮ ﻭﻗﻌﺪﻭ ﻓﻲ ﻛﺮﺳﻴﻬﻮ !!!!
ﻭﺗﻠﺐ …… ﺑﺎﻟﺸﺒﺎﻙ …… ? ﻭﺍﺳﻲ ﻗﺎﻟﻮ ﻭﺍﻗﻒ ﻓﻲ ﺻﻴﻨﻴﺔ ﻭﻗﺎﻋﺪ ﺍﻛﻮﺭﻙ …. ﺑﺎﻟﻠﻪ ﺣﺴﺎﻥ ﺩﻩ ﻣﺠﻨﻮﻥ ….. ﺑﺎﻟﻠﻪ ﺣﺴﺎﻥ ﺩﻩ ﻣﺠﻨﻮﻥ …. ﻗﻮﻣﻮ ﻟﻔﻮ … ﺍﻟﻤﺠﺎﻧﻴﻦ ﻧﺤﻦ ﺩﻳﻞ …. ﺑﺎﻟﻠﻪ ﺣﺴﺎﻥ ﺩﻩ ﻣﺠﻨﻮﻥ ؟؟؟؟؟ !!!!!! ُ