تحليق إخباري – نادر التوم
مالو أعياد النضال بدني و روحي ليه مشتهية الحكم المدني؟
عناوين الصحف السودانية
الصادرة إلكترونيا الثلاثاء ٢٠٢٢/٠٣/٠١
الصيحة :
التغيير: لا تراجع عن النضال لاستعادة مسار التحول المدني الديمقراطي
_ مالو أعياد النضال بدني و روحي ليه مشتهية الحكم المدني؟
مراقبون: تدخل دقلو بإجلاء سودانيين من أوكرانيا بادرة إنسانية طيبة تضاف لإنجازاته
_ الليلة و الليلة دار أم بادر ياحليلا!
إعفاء مدير وزارة الصحة بشمال دارفور.
_ من الديون؟
البعث لـ(الصيحة): ميثاق لجان المقاومة إقصائي وغير قابل للتطبيق.
_ ختوهو في فايل بدون م تطبقها!
السفارة الأمريكية: تقرير (يونيتامس) يبين أن السودانيين هم من يقودون عملية التحول الديمقراطي.
_ يقودونها بدون بنزين؟ و الشوارع كلها محفرة؟
مؤتمر لسفارة باكستان بالخرطوم حول الدورة (48) لاجتماع وزراء خارجية “التعاون الإسلامي”
_ كلام يذكرك الحركة الإسلامية او ما يعرف بالميزان
“راش”: شهيد و(179) إصابة في مواكب 28 فبراير
وزير مالية إقليم دارفور لـ(الصيحة): قرار خروج (يوناميد) من دارفور “مُتعجّل”
_ تودعني و أنا مشتاق ليك، كان بدري عليك.. كان بدري عليك و على فراقك.
يونيتامس: تقرير مشاوراتنا قد يخيّب آمال متوقّعي حلّ من الأمم المتحدة
_ خيبة الأمل دي أقسى شى و أحر شي.
أصحاب مخابز: زيادات كبيرة في أسعار مدخلات إنتاج الخبز
_ ما تقولو بي خمسين و ريحونا! بلا مدخلات بلا مخرجات.. مؤتمر هو؟
السودان يتمسك باتفاق قانوني ملزم بشأن سد النهضة
أخبار اليوم :
مواكب 28 فبراير تتخطي الحواجز الامنيةولجنة الاطباء تعلن سقوط شهيد
_ الناس حقو ما يكون في بيناتا حواجز.
أول إفادات من فولكر حول نتائج مشاوراته بشأن الأزمة السياسية بالسودان
_ في كورونا و لا بوزيتيف ؟
ضبطيات جديدة من المخدرات بابو حمد
_ القديمة عملو فيها شنو؟
الوطن :
مواكب تصل بوابة القصر وتفريقها بالبمبان
_ بدور يفرق بين صحاب.. بين صحاب.
مقتل متظاهر بالرصاص في أم درمان
_ عملو كم كدا؟ الله يرحمهم و يتقبلهم و يصبر أهلهم
بعثة الأمم المتحدة :حل الأزمة بيد السودانيين
_ الأزمة حلها )ورنيش( بس#
السيادي يعلن موقف السودان من الأزمة بين روسيا واوكرانيا
_ و موقف جاكسون أقصد فولدر شنو؟
السوداني :
الثوار يصلون بوّابة القصر الجمهوري الجنوبية
جنوبية آه جنوبية.
لجنة الأطباء المركزية: ارتقاء شهيد في أم درمان برصاص حي في الرأس، إضافةً لوقوع عشرات الإصابات وسط الثوار.
_الرصاص دا قدر ما أطلقوا لسه حي!
حميدتي يوجه بإلغاء الرسوم القنصلية على طلاب المنح ويتبرع بـ(100) ألف لصندوق الجالية بروسيا
_ الجالية السودانية الهنا، مافي زول يتبرع لها؟
نبيل أديب ينفي طلب المالية للجنة التحقيق في فض الاعتصام بإخلاء المقر
_ حدق العيون ليك يا وطن أصبح مقر أصبح سكن!
السفارة البريطانية في الخرطوم ترفع العلم الأوكراني
_ وقع و لا شنو؟
أسر الشهداء: لجنة التحقيق في فض الاعتصام لن تصل لنتيجة
_ عشان كدا فضوا المقر؟.. اقصد ما فضوهو؟ طيب قاعدين ليه م يقومو يروحو؟!!
والي غرب كُردفان يكشف لـ(السُّوداني) عن طي الخلافات بحقول البترول.
_ بالله البلد دي فيها بترول لسة.. طي: قبيلة حاتم الطائي.
وكالة السودان للأنباء (سونا)
ولاية الخرطوم تشهد انطلاق التظاهرة الاخيرة لشهر فبراير 2022
_ هلا مارس
رئيس مجلس السيادة يتلقي برقية تهنئة من رئيس دولة فلسطين
_ بمناسبة؟
رئيس مجلس السيادة الإنتقالي يتلقى برقية تهنئة من ملك الأردن
_ برضو؟ ما شاء الله(التهاني مستمرة)
دقلو يوجه بإلغاء رسوم القنصلية لطلاب المنح بجامعات الخارج
_ و الداخل؟
عضو السيادي الأستاذ الطاهر حجر يلتقي السفير التركي بالخرطوم
_ اللقاء و لا السفير التركي بالخرطوم؟ بقينا ما فاهمين شى.
وزيرة العمل تلتقي سفير دولة قطر بالخرطوم
_ لقاء ات كل يوم.
تشكيل آلية مطلبية مفوضة لمعلمي ومعلمات شمال دارفور
_ اهم شي في التشكيلة انو الألف بتاع آلية ( ممدود)
وزير الداخلية المكلف يلتقي رئيس المجلس الاعلى لنظارات البجا
_ يا جماعة الكلفتة دي اقصد التكلفة دي لمتين.. ما تكلفو الناس فوق طاقتهم.
نمر يتفقد بمستشفي الفاشر التعليمي مصابي الحادث المروري
والي شمال دارفور يصدر قرارا باعفاء المدير العام لوزارة الصحةبالولاية
ديوان الأوقاف الإسلامية يجيز الموازنة والخطة التشغيلية للعام2022
_ يعني (ح تشغلوها لينا)؟
عضو السيادي يلتقي وفد الإدارة الأهلية للمسيرية بلقاوة الكبرى
_ أنا ح اقوم التقي بست الشاي و أشرب بن.. صدعت عديل كدا!
فولكر: حل الأزمة السياسية السودانية يجب أن يأتي من السودانيين
_ يجب حاجة.. و يأتي حاجة تانية!
السفارة الامريكية تهنىء بانجاز الخطوة الاولى في مسار التحول الديمقراطي
_ الخطوة الأولى ( تاتي).. لكين الخطوة التانية هل ح (تأتي)؟
السودان يؤكد دعمه لإعتماد الحوار لحل الأزمة بين روسيا وأُوكرانيا
_ الحوار الغلب شيخو.
لجان مشتركة بين ولاية الخرطوم والشركة السودانية للمناطق والاسواق الحرة
_ وين لجان التغيير و لا غيروهم؟
السودان يجدد تمسكه باتفاق قانوني ملزم حول سد النهضة
_ أهم شي يكون في ( إطار) للاتفاق دا و إطار ما محتاج بنشرة.
قوات حركة جيش تحرير السودان تغادر الفاشر
_ الله معاهم خيرا جانا و جاهم.
إستقرار الاوضاع الامنية بحقول البترول وانسياب الانتاج النفطي بصورة طبيعية
_ بقي ( إنسيابي) يعني؟
والي الشمالية المكلف يلتقي وفد مجلس الاشخاص ذوي الاعاقة
_ ان شاءالله اللقاء أثمر عن خطط و أطروحات!
الحج والعمرة تشيد بمستوى التنسيق مع وزارة الصحة لتطعيم المعتمرين
عقبال التطعيم ( الغذائي)
مدير الثروة الحيوانية بالنيل الأززق:نسعي لتطوير سوق صادر الماشية
_ طوروا طوالي .. سعيتو بما فيهو الكفاية.
“يونيتامس”تصدر بيانا حول تقريرها التلخيصي للمشاورات السياسية.
_ تلخيصي.. (شيتات) يعني!
قراربحظر البيع أو الشراء لأى هاتف دون اثبات شخصية البائع
_ ممكن يكون سارقو و يثبت شخصيتو و يبيعو عادي
اكتمال ترتيبات نفير العودة الطوعية بعمودية فادمية بمحلية باو
_ يا حليل السفير!
الاتحاد الأوروبي يحظر بث “ار تي” RT و”سبوتنيك” الروسيتين
_ دا سلاح؟
تركيب محطة البث الاذاعى بالدلنج.
_ باقي (البرامج)
الزكاة الإتحادية تؤكد دعمها لشمال دارفور
_ و شمال الحتات التانية ما محتاج؟
والي النيل الابيض يوجه بمضاعفة الجهود لتطوير القطاع الصحي
_ غايتو لو زي نسق السوق ما محتاجة توجيه.. براهم بضاعفو.
ترتيبات لاجراءات الترخيص و ضبط الركشات المسروقة بجبل اولياء
_ ركشة الإيد المسالمة.
إنعقاد ملتقى مديري الشباب والرياضة بالنيل الأبيض
_ اي انعقاد فيو تعقيدات
والي الجزيرة يشهد باستاد ودمدني لقاء فريقي الاتحاد مدني ومريخ الفاشر
_ دي في ياتو منافسة؟
عدد من الصحفيين الرياضيين يتسلمون بطاقات الإتحاد الدولي للصحافة الرياضية
تعاون بين إتحاد الكرة ومكتب سيدات الأعمال بدول الكوميسا
_ الفي الكورة اتعرفت يا سيدات ركزوا مع ( الأعمال)
الأولمبية تؤكد دعمها الفني لولاية غرب دارفور
_ حق الأوركسترا على منو؟
طاقم تحكيم نسائي سوداني لمباراة يوغندا وإثيوبيا
_ أخير يحكمن وكت اللعب ( غلبن)!
ختاما : كل أول ليه آخر!
+٢٤٩ ٩٢١٣١٤٧١٣