Ultimate magazine theme for WordPress.

تحليق إخباري قراءة ساخرة للأخبار و الأحداث!

تحليق إخباري      نادر التوم

·        عناوين الصحف السودانية الصادرة إلكترونياً الجمعة ٢٠٢٢/٠٣/١١

 

         الانتباهة:

·        قتلى وإحراق قرى بالكامل في اشتباكات بدارفور

         وين إتفاق جوبا و حاكم دارفور و ناس دارفور و المجتمع الدولي و يوناميس و يوناتيس؟

·        الشرطة الأمنية تكشف معلومات خطيرة حول محاولة تفجير”المجلس التشريعي” بقضية غندور.

         الوضع كلو (إنفجر)

·        فولكر: لن نختار رئيس وزراء..شهيدان وعشرات الإصابات بمليونية 10 مارس

·        الوسيط الإفريقي: اتّفاق المدنيين سيضيّق هامش بقاء المؤسسة العسكرية في السلطة

         كلنا بقينا على الهامش.. و على الهبشة

الجريدة :

·        (مجزرة) جديدة وسقوط شهيدين في تظاهرات بالخرطوم

         لحوم الناس بقت أرخص من الحيوانات و أكثر توزفُّراً و وفرةً.

·        الأمم المتحدة والاتحاد الأفريقي: السودان يمرّ بأزمة خطيرة

         لا ياخ؟؟

·        قتل وجرح 130 شخصًا بجبل (مون) بولاية غرب دارفور

·        (كسوف) شديد و الله!

·        35 جنيه لقطعة الخبز بود مدني

         رخيصة و الله، كانت كم يعني؟ المشكلة تكون قطعة صغيرة آآآآه!

·        التحالف السوداني يطرح مبادرة لحلّ الأزمة

·        ماما لبَّستني (الأزمة) و الشرَّاب.

·        الصيحة :

·        دعم من حميدتي لمشروع الجزيرة ووسط دارفور

         دعم سريع؟

·        شهداء وجرحى في مواكب 10 مارس

         في أي موكب كدا.. يا قول النشطاء، الجنة و الخلود للشهداء و عاجل الشفاء للمرضى ( و البلد)!

·        الوسيطان الأممي والأفريقي: السودان يواجه خطرًا كبيرًا

         قولو و حاااة الله!

·        الدولار يسجّل رقمًا قياسيًا جديدًا في السوق الموازي

         إختلطت (الموازي) علينا

·        فولكر: لن نختار رئيس وزراء ولابدّ من إيجاد حلّ سريعٍ

         إختاروا ياخ.. نحن ح نختلر أحسن منكم يعني؟

·        أخبار اليوم  :

·        لقاء بين المكتب التنفيذي للحرية والتغيير وولد لبات وفولكر بيرتس

         (التشكيلة) فيها منو؟

·        لجنة علوم الفضاء والفلك :أول رمضان اليوم الثالث من ابريل

         للوكت داك الدولار يكون عمل مليار.. اللهم بلغنا رمضنا و أرزقنا صيامه و قيامه!

·        (الفاخر) تتعهد بسقيا مواطني الوادي الاخضر

         جزاها الله خير!

·        البرهان يغادر للإمارات

         تااااني؟

·        عرمان ينفي وجود أي إتصالات بين المجلس المركزي للحرية والتغيير والميثاق الوطني

·        ينفي.. (يعني في) و لاَّ موهيك يا مناوي؟

 

·        السوداني  :

·        لجنة الأطباء المركزية تُعلن عن إرتقاء شهيدين بالرصاص الحي

         يا حي! لا حول و لا قوة إلا بالله! الشهداء برتقو و المسعولين بلتقوا!

·        لجنة المعلمين تُنفِّذ إضراباً جزئياً عن العمل

         جزئياً ما بحل المشكلة..

·        طلاب هندسة مدنية بجامعة الخرطوم يُنفِّذون إعتصاماً أمام مكتب رئيس القسم

         و رئيس القسم طبعاً وعدهم خير!

·        الجنيه السوداني يُواصل التراجع أمام أسعار العُملات الأجنبية

         زي المنتخب السوداني ( حريم و رجال)

·        سقوط طائرة عسكرية شمال مطار الأبيض

         سقوط في أي شئ.. حتى الجو الليلة سقط.. المهم سقطت ما سقطت صابِّنها (في بيوتنا) و قوقعاتنا و أحلامنا و توقعاتنا.

·        وزارة الزراعة: الموسم مبشر ولن تحدث مجاعة

         ما بروح مدرسة المبشِّر.. هي المجاعة ما مشكلتها إنو الموسم مبشِّر و لا مكشِّر، مشكلتها الجنيه ما مبشِّر كلو كلو.. و السوق برضو!

·        قفل مطار الخرطوم وإغلاق الحركة الجوية لـ(5) ساعات السبت المقبل

         أقفلوا 5 سنة خلوا البلد دي تتبني من جوَّة.. ما تشبكونا حا و حا و نبنيهو و شنو ما عارف! االمشكلة الجهات البتهرِّب الدهب ح تتضرَّر شديد من القفلة دي!

·        النيل الدولية :

·        فولكر: ليس لدينا الحق في اختيار رئيس مجلس الوزراء

         ليك حق!

·        منتجو الذهب يتعهدون بتوريد إنتاجهم إلى بنك السودان

         المشكلة يمشي بره السودان!

·        المركزي: (70%) من حصائل الذهب لإستيراد السلع الإستراتيجية

         زي شنو؟؟ السلع الاستهلاكية كلها طارت الزمن.. عذراً لكين كلامكم دا الإستهلاكي ( ما السلع)! و البلد الذهب (ما الحصائل)

·        سقوط طائرة تدريب عسكري شمال الأبيض ونجاة طاقمها

·        تجدد القتال القبلي بولاية غرب دارفور

         دي المشكلة.. القبلية دي.. أخطر من العسكرية و المدنية و بتقضى على الأخدر و اليابس!

·        وكالة السودان للأنباء (سونا)

·        تظاهرات بولاية الخرطوم تدعو للحكم المدني

         مدني و لا الخرطوم؟ أقصد مدني و لا وجدي؟؟؟ هههههههه!

·        رئيس مجلس السيادة الانتقالي عبدالفتاح البرهان يصل دولة الإمارات

         يا مرحب الساعي حمدوك.

·        نائب رئيس مجلس السيادة يدعم مشروع الجزيرة بـ(10) سيارات

         دايرين يزرعوا مينا برِّي و لا شنو؟

·        دقلو يطلّع على مجمل الأوضاع بولاية وسط دارفور

         تفاصيل قولي و (المُجمل).. و الله يا زول بقت أحلام بتتأوووول!

·        تنفيذي الحرية والتغيير يلتقي الإتحاد الأفريقي و يونيتامس

         و بعدين؟

·        البنك المركزي: إجراءات وضوابط جديدة لصادر السلع

         السلع و الجَلَحَات!

·        البنك المركزي يصدر إجراءات وضوابط جديدة للإستيراد

         في الرسوم موش كدا؟

·        تفاهمات بين البنك المركزي والغرف التجاريةعلى إجراءات وسياسات الصادر والوارد

         ما عندنا لا سياسات لا سياسيين مع الأسف الشديد!

·        سلطة الطيران المدني:إغلاق مدرج مطار الخرطوم الدولي لاغراض الصيانة

         صونوهو مطار الخرطوم صلحوهو مطارك يا بلدي!

·        فولكر سنعمل على مساعدة الشعب السوداني للخروج من الأزمة

         ح تدينا قروش يعني؟

·        وزير التعليم العالي يؤكد أهمية ربط الجامعات بالثروات المعدنية

         المشكلة (الشبكة كعبة)!

·        منتجو الذهب يتعهدون بتوريد إنتاجهم إلى بنك السودان

         ورِّدوا.. مصدِّقنكم.. لانو يتعهدون دي بتخلينا نتشكَّك!

·        وزيرة التجارة والتموين المكلفة تلتقي رئيس مجلس الصمغ العربي

         الصمغ العربي ويييين؟

·        وكيل العدل تشيد بجهود اللجنة الوطنية لمكافحة الإتجار بالبشر

         يوم المرأة العالمي.. ( الرأس) عمل كم؟

·        وزير الداخلية المكلف (يلتقي) رئيس اللجنة الإشرافية لمنطقة أبيي

         قول واحد

·        د. سلمى عبد الجبار (تلتقي) وزيرة الشباب والرياضة الاتحادية المكلفة

         برضو تلتقي

·        مجلس التخصصات الطبية :تخصصات دقيقة بامكانات شحيحة

         (شحيحة) بيانات؟

·        الهلال الاحمر السودانى يدعم فرق الإستجابة السريعة بالمحليات

         في إستجابة.. في لإستجابة!

·        ختام الكورس التنشيطي لفنيي التحصين بمحلية أبو حجار

         و الله الذاكرة ذاتها محتاجة تنشيط و النت برضو..!

·        المواصفات تبيد ١٦ طنا من المواد الغذائية والأدوية بولاية سنار

         هسه كان أديتونا طن مالو يعني ح تكون أكعب من البنشتريها من السوق دي؟؟؟

·        لجنة علوم الفضاء والفلك :اول رمضان الثالث من إبريل

         عرفنا.. صايمين و الله إن شاء الله!

·        ندوة علاج السرطان في السودان تنعقد افتراضيا

         حقو تدعو أبو قردة ( إفتراضياً)!

·        السودان يشارك أعمال اجتماعات التجمع العربي للمترولوجيا بالقاهرة

·        _ نحن دايرين مترو زي بتاع القاهرة.. للنقل داخل و خارج الخرطوم!

·        نمر يخاطب بالفاشر ختام فعاليات إحتفالات الولاية باليوم العالمي للمرأة

         أتطلَّع لإمراة (نحلة)!

·        ولاية القضارف: إعفاء وتكليف مدير صندوق الإسكان بالولاية

         كيف يعني؟ أعفوهو و كلَّفوهو تاني؟

·        والي القضارف يشهد انطلاق مخيم علاجي للمخ والأعصاب

         و الله الأعصاب باظت و المخ بقى ما بجمِّع!

·        صندوق التنمية بنهر النيل يباشر أعماله ويبدأ بالمشروعات المتوقفة

         (تنمية مشوعاتية)!

·        القطاع الاقتصادي بالنيل الأزرق يوصي باختيار مشاريع ذات عائد اقتصادي

         زمان كان بختاروا ذات عائد إنساني و لاَّ شنو؟

·        (٥٨.٥٠٠.٧٨٤.٩٨٤) إيرادات جهاز (التحصيل) الموحد بولاية الخرطوم للعام ٢٠٢١م

         و نسبة النجاح كم؟

·        بادي يقف على أوضاع العائدين من دولتي جنوب السودان وإثيوبيا

         أوضاعهم كيف بالله؟ أكيد أحسن من أوضاعنا!

·        ولاية القضارف توقع مذكرة تفاهم مع مؤسسة جياد للابتكار

         دي عندها علاقة مع إقالة و تعيين و لا حاجة براها؟

·        محلية امدرمان: توفير أسواق للبيع المخفض

         أسوار .. و ليس أسواق

·        الفرقة التاسعة المحمولة (جوَّاً) تنفذمشروع طابور السير

         السير بي فوق؟

·        إنعقاد الجمعية العمومية لاتحاد السباحة العادية بالسبت

         السباحة العادية و لاَّ الجمعية؟؟

·        عدد من القرارات للجنة كرة القدم في الصالات والشاطئية

         و الله إيجار الصالات بقى غالى خلاص لا تقدر تلعب لا تقدر تعرِّس!

·        اتحاد الكرة يبحث مع السفارة المصرية عدداً من الموضوعات

         أبحثوا ساااي بي عافيتكم!

·        رفض شكوى الهلال ضد الأهلي العاصمي

         أي أهلي يغلبهم و لا يشيل منهم نقطة يقعدوا يتشكوا و يتبكوا

·        آخر خبر: الجمعة الفاتت رطل السكر كان بي كم؟

·        المخدرات خطر داهم مكافحته مسؤولية الجميع

·        خلو بالكم من عيالكم

·        اللهم صل و سلم و بارك على سيدنا محمد و آله!

                       كاريكاتير عمر دفع الله

·        الأخبار من خدمة يقين الإخبارية.. و التعليق من فرفشة

 

 

أكتــب تعليقكـ هنــــا

لن يتم نشر عنوان بريدك الإلكتروني.