تحليق إخباري.. قراءة ساخرة لأهم الأخبار و الأحداث و الناس.. و خلاس

 

تحليق إخباري _ نادر التوم
السبت5 مارس 2022 م

♢إقالة مدير مستشفى الخرطوم

_ اقالة و لا إستقالة؟.. بكره يرجع.. البلد دي بقت رفدو رجعو و هكذا ..
♢طالب برفع علم السودان في اي مكان.. تجمع المهنيين يعلن 5 مارس يوما للعلم.

_ ارفعوا السودان ذاتو.. لانو وقع و كترت سكاكينو.
♢تلوث مياه الشرب بالخرطوم وأوامر قبض في مواجهة (3) مسؤولين

_ تلوث في الأخلاق ذاتو!
♢تحليل: راهن الأسواق.. الامتصاص السريع للأجور

امتصاص؟ دا بلع عديل ياخي.
♢محكمة المحاولة الانقلابية.. تفاصيل انتظار فحص (دليل) لأكثر من عامين.

_مالينا غير ندعو بس يا دليل الحائرين با الله .
♢خبراء يصفون امتناع السودان عن التصويت بالانحياز للطرف الروسي

_  مصوتين تحنن مقتنعين تجننو!
♢تقرير: بورصة الذهب.. هل تنهي التهريب؟

_ الله أعلم.
♢العدل والمساواة تدفع بقواتها إلى مركز التجميع خارج الفاشر.

_ وكت بتدفع كويس.. كعب البتشيل بس.
♢تنسيقية لجان المقاومة بالشمالية تنسحب من ميثاق وحدة القوى الثورية

_ انسحاب تكتيكي و لا لوجستي؟
♢محكمة غندور وأنس عمر ترفض طلبًا للنيابة بمهلة أخرى

_ ليهم سنين.. فرقت شنو المهلة الأخرى؟
♢تقرير: الذهب السوداني.. بريق سري في “صندوق الحرب” الروسية

_ سري و لا سحري؟
♢مقتل نازح في نيرتتي وحرق قريتين في شمال دارفور

_ يا ساتر.
♢تشديد الرقابة على المواد البترولية بولاية النيل الأبيض

(الرقابة) كونوها؟
♢تقرير: وصلها مبعوثان خلال (٤٨) ساعة.. التقارب (السوداني ــ الروسي).. هل دفع الغرب للتحرك نحو الخرطوم؟

_ ما الذي يدفعني دفعات إليك؟
♢لجان المقاومة: تلقينا أكثر من ألف مقترح حول ميثاق سلطة الشعب

ركزوا على الألف.. عندي ليكم مقترح.. اقترحوا حاجة تاني.
♢وفاة ثلاثة أطفال في حريق بمحلية الطويشة بشمال دارفور

يا ساتر..
♢تقرير: خميس بلا مليونيات.. المقاومة تجهيزات مُدهشة للرد على تهمة (العبثية)

عبثية و لا سودانية؟
♢تحقيق: اظهرت غياب الخطط الرسمية لتطوير الانتاج.. تفاح جبل مرة ملقى على الطرقات

_ تفاح مرمى على الطرقات و الناس جعانة!!!
♢ديوان الزكاة بالشمالية يرصد مبلغ (356) مليون جنيه لبرنامج شهر رمضان المعظم

_ بس؟
♢تقرير: يمثل 37% من إجمالي صادرات السودان..الذهب.. الكنز الباطن يحتاج إلى تقنين

_تقنين ؟ ذهب و لا لبن؟
♢بريطانيا تطالب بإنهاء الطوارئ وحل الأزمة السودانية خلال أسابيع.

_ تطالب منو؟ و هي الدخلها شنو؟
♢اللجنة الوطنية لمكافحة غسل الأموال وتمويل الإرهاب تعقد اجتماعها الثالث

_و الله الغسيل بقى مكلف خلاس
♢مدير مشروع الجزيرة بروف مرزوق: إدارة المشروع لا علاقة لها بعوائد منتجي القطن.

_ طيب .. لها علاقة بشنو؟
♢السودان: التوصل لاتفاق ملزم بشأن سد إثيوبيا يؤدي لعلاقات مستقرة

_ مستقرة زي الإمداد الكهربائي؟
♢الملتقى الصحي الأول يوصي بإنشاء مجلس قومي لتنفيذ الخارطة الصحية

_ صحة و لا جغرافيا؟
♢انسحاب جميع حركات الكفاح المسلح من الفاشر

_ إن شاءالله خير؟
♢أردول: ارتّفاع الدولار مزعج للغاية ومسؤولين في الحكومة السابقة ينشرون الاخبار المضللة

_ مافي إزعاج ياخ.. أصلا قاعد يرتفع.. السابقة ياتا؟ ناس البشير و لا قحت؟
♢اخطر (9) من معتادي النشل بالخرطوم في قبضة الشرطة

_ عقبال معتادي التلفونات!
♢زادت عن الخمسين.. اصابات جديدة في مواكب امس الخميس

_ زادت في أعماقنا الجراح.. زاد في حشاي نزف النزيف.
♢الحكومة تتخذ خطوة لوقف زحف الدولار

_ خطوة خطوة يا حبيبي نسير.
♢مجهول يسدد طعنات لامام مسجد ومصلين بالفاشر

_ يعني قيدت ضد مجهول؟
♢تجمع المهنيين: يوم 5 مارس رفع العلم في السيارات، المواتر، الأسواق، الدكاكين، المنازل والشركات كتنويع لرفض الانقلاب.

_ العلم ما بزيل بلم.
♢“أصدقاء السودان” تدعو للانخراط في مرحلة ما بعد مشاورات يونيتامس

_ الانخراط ما بطال..
♢اردول يرد على عبد الباري: العسكر جاهز لتسليم السلطة

_ هو لسه م استلمها؟ … عبد البارئ منو بالمناسبة؟
♢أصدقاء السودان يرحبون بتقرير (يونيتامس) الموجز عن المشاورات مع أصحاب المصلحة السودانيين.

_ أصحاب المصلحة ديل نحن طبعا ( كمواطنين سودانيين) بره منهم..
♢)قضايا( المستوردين على طاولة وزيرة التجارة

_ قشو عيونكم! شان م توسخو طاولة السيد الوزير.
♢السودان يرحب بقرار الصين تعيين مبعوث لها لمنطقة القرن الأفريقي.

_ بس م يكون متعود.
♢والي نهر النيل يعلن عن اتجاه الولاية للطاقة الشمسية

_ اتجاه صحيح.. لو كان التوجه صحيح!
♢ترسيم الحدود بين قبائل الشرق..هل ينهي جذور الصراع ؟

_ فن تشكيلي.. المشكلة ما في الترسيم!
♢مرسوم مؤقت بإنشاء وزارة البنى التحتية بالجزيرة

_ ح نبنيهو تحتيا!
♢الامارات ترعى مفاوضات لعودة حمدوك والبرهان يتعهد بالتعاون الكامل

_ عودا حمدوكا!..
♢حالة غضب واسع بعد فض (التروس) بالقوة بالولاية الشمالية

(التر وس) لو اتفضت (المكنات) بتقيف!
♢تقرير: زيادة جديدة في اسعار الصحف الصحافة الورقية.. قصة (موت معلن)

_ الجريدة بي ٩ عيشات..
♢مصدر: اوامر القيض لمسوؤلين بالخرطوم بسبب مادة قاتلة في مياه محطات الولاية

_ قاتل الله الفساد.
♢تجاوزت (100&).. زيادات كبيرة في اسعار الانترنت بالسودان

_ خلي يزيد .. ما قاعدين نستخدمه صاح.
♢وزير الصحة: بعض قضايا الصحة تحتاج إلى معالجة جراحية

_ تحتاج لبتر عديل.
♢وزارة التربية تدعم الاطفال ضحايا حرائق الجان بكسلا

_ الجاني منك..
♢ما بين “24” إلى”72″ ساعة.. تحذير خطير بشأن قطوعات الكهرباء

_ بعد الزيادات دي؟

♢قلق أميركي من تلميحات السودان بقبول عرض لقاعدة روسية

تنظيم (القاعدة) الروسية.
♢السر قدور يكشف عن مكالمة هاتفية بينه والبرهان

_ يكشف عن مكالمة ولا على مرضو.. ربنا يشفيو !
♢مجموعات مسلحة تتحرك باليات في شوارع مدينتي الجنينة ونيالا

_ الشغل دا محتاج ( آليات) للعلاح
♢ملاسنات بين اردول وزير العدل المخلوع نصر الدين عبد الباري

_ مخلوع من شنو؟
♢مسؤول في الحكومة البريطانية يلتقي طلاب جامعة الخرطوم

_ وين؟
♢صدور اوامر بالقبض على 3 مسؤولين بحكومة الخرطوم

مافي حصانة
♢مشروع الجزيرة يعلن الترتيبات النهائية لملحمة حصاد القمح

_ الملحمة بقت بدون (ملاحم)

رياضية

♢التفلزيون القومي ينقل مباريات الممتاز

_ لي وين؟
♢المريخ يعترض على عدد الجماهير ويؤكد المعاملة بالمثل في مباراة الرد امام الاهلي المصري

_ الرد الرد.
♢مفاجأة : جهة ما في السودان تقدّمت بعرض لشراء نادي تشيلسي.

_ عادي.. ما غالي شديد بالمناسبة!
♢حي الوادي يهزم الخرطوم

_ يا جارة الوادي طلبت.
♢احمد السيد مدربا للأهلي مروي

_ جيد جيد ود السيد.
الامل واهلي شندي حبايب

_يله شندي نزور الحبايب!
♢انطلاق مرحلة جديدة في صيانة استاد الهلال

_ عقبال الفريق.
♢سجل سالب للمريخ على الاراضي المصرية

_ سالب فؤادي و ما عليك.
♢طه اسماعيل يؤكد لابد من فوز الاهلي على المريخ.

لا بد و حتما .. عشان ما تلحقو الجماعة المتزيلين.
♢هلال الساحل يتجاوز ودنوباوي و3حالات طرد

_ طرود تقيلة.
♢منتخب الناشئين يطلق صافرة الاعداد السبت

_ اعداد و تقديم.
♢تعادل ايجابي بين الشرطة واهلي مروي

_ خليك إيجابي
ادوار كبيرة تنتظر الغربال في مباراة القمة

_ ح يمثل و لا شنو؟.. أها و الباقين .  ما عندهم أدوار؟؟
♢مدرب الهلال يركز على الجوانب النفسية

_ النفسية محتاجة إنتصار.
♢كاريكا أخوان في المريخ والهلال.. الريح يقترب من دائرة الكرة

_ اووو اوووو كاريكا .
♢اهلي الخرطوم يحافظ علي الصدارة بتعادل ابيض مع الهلال

_ بتعادل مع الهلال الابيض.
♢توتي والسوكرتا يتعادلان سلبيا.

_ أخبار السكر شنو.. ما يكون زاد!
♢الشركة الراعية تقترح نقل ديربي الممتاز للامارات

_ تقترح ليه.  هي موش راعية؟.. لكين ليه الامارات بالذات؟
♢خمسة وعشرون ألف دولار لنقل مباريات الهلال الإفريقية

_ خسارة ساي.
♢الغيابات تضع الأهلي المصري في ورطة دفاعية أمام المريخ

_ م تنومو على العسل!
♢الطفل السوداني زيادة يتصدر الفوز البطولة الرياضية للكاراتيه بعمان

_ دايرين اهتمام زيادة!
♢منتخب السودان يقدم عروض مشرفة في بطولة الشوتوكان

دي وجبة؟

₩اخبار منوعة:

♢على سبيل الإيجابية “رفيدة ياسين”: إجراءات تجديد الجواز في القنصلية السودانية بدبي تستغرق 6 دقائق فقط

_ الجواز دا لو م تعبت فيو م بتحس إنك طلعتوا..  اأقسم بالله اكتر من (٦ يوم) .  بصمة بس#
♢محمد عبد الله الشيخ يكتب: المطارات الولائية قفزة نحو تعافى الاقتصاد.

_ و القطارات و السفن.
♢تقرير: باليورو والدولار.. النقطة في الحفلات أرقام فلكية

_ رزق المساكين.  الجنيه بقى ما عندو قيمة.. بغهمو في الاقتصاد كمان.
♢مقتل نازح في نيرتتي وحرق قريتين في شمال دارفور

_ الجن برضو؟
♢عصامية طالب جامعي يعمل (بائع ليمون) عقب دوامه الدراسي .

_ اعزز الليمون.. ربنا يوفقك!

آخر خبر: زيادات جديدة في الصعوط.. بسبب تهريبه للخارج.

الله معاكم