تحليق إخباري قرآءة ساخرة للأوضاع و الأخبار!

تحليق إخباري نادر التوم
(الثلاثاء29 مارس 2022 م
₩اخبار السياسة:
♢بتوجيهٍ من مجلس السيادة.. فتح حسابات مصرفية للحركات المسلحة.
_ هم فتحوا ليهم الخرتوم ما يفتحو ليهم حسابات مصرفية؟
♢مصادر: إسرائيل تجاوزت البرهان وفضلت عدم دعوة نظامه لقمة “النقب”
_ نظامه ياتو؟
♢تسريبات: الامارات تعود لضخ اموال لانتزاع المنظومة العسكرية من الحكم
_ ضخ وين ما يكون للكيزان و لا القحاتة تاني؟
♢مستثمر: مشروع الجزيرة يمكنه أن ينتج ضعف إنتاج أوكرانيا من القمح.
_ عارفين.. لكن البوري الحكومة (إن وجدت) منو؟؟؟
♢تقرير: تنامي عنف العصابات.. هل يهدد السلم المجتمعي بالخرطوم؟
_ هل شديد!
♢قانون جديد للمساحة في السودان لتحديد وترسيم الحدود الدولية
_ الفايت الحدود واسو!
♢اتفاق بين الخرطوم وأبوظبي علي التنسيق في مجلس الأمن.
_ هو في أمن؟
♢المبعوث الأممي بالسودان يقدم تقريره الدوري لمجلس الأمن
_ أها قول قدمو .. يعني الرغيف برخص؟
♢قوى الحرية والتغيير: لن نُجرِّب المُجرّب من جديد ولن نعود
(للشراكة) بأيِّ حالٍ من الأحوال
_لن نعود دي أحلى حتة في الموضوع!
♢فولكر: أفادت التقارير بأنّ 16 امرأة تعرضن للاغتصاب أثناء الاحتجاجات في الخرطوم
_ أثناء الاحتجاج؟؟؟ ما بخجلو!
ياخ هم في رمضان إغتصبوهن.. اللهم أحفظ بناتنا!
♢مندوب السودان لدى الامم المتحدة يوجه انتقادات حادة لخطاب فولكر امام مجلس الامن
_ فولكر دا شايت وين؟
♢الشرطة تفرق مظاهرة قبل وصولها للقصر الرئاسي بالخرطوم
_ بالبمبان و لا العصي و الهراوات؟؟
♢فولكر: البرهان سيعلن إجراءات ستبني الثقة وتحفظ البلاد
_ س تبنيهو!
♢مرسوم. للبرهان بتعيين وزير الدفاع وزيراً مختصاً بتنفيذ قانون المناطق البحرية والجرف القاري
_ الإترسم على جبينا الليلة بأن.. فات الآوااان!
♢والي الشمالية يعلن توحيد نافذة الاستثمارات بالولاية
_ كلام طيب شان يكون صف واحد.
♢بعد إنهاء مشاوراته.. فولكر: السودان قد( ينزلق) إلى نزاع وانقسامات!!
_ ما تقول الموز رخص كمان!
♢السفير السعودي لدى السودان وجنوب السودان يستقبل المستشار توت قلواك
_سفير واااحد؟ طيب ما نتوحد نحن!!
♢وزارة الخارجية تُرحب بإعلان الحكومة الإثيوبية هدنةً إنسانية لتسهيل توصيل المساعدات لإقليم التقراي
_ العالم كلهم دايرين مساعدات!
♢مركزية التغيير: ضخ عملات بالمصارف فقاعات هوائية
_ هوا ساكت؟؟
♢خالد عجوبة يقتبس قصيدة من الشعر الجاهلي يتوعد فيها “قحت” للثأر لنفسه
_ الفش غبينتو حرق مواقع سوشال ميدياتو!
♢محلية أمدرمان تقف على سير الامتحانات التجريبية للفصل الثامن
_ نحن دايرين امتحانات الفصل السابع!
♢والي البحر الأحمر يبحث مع يونيتامس التنسيق لدعم المرحلة الإنتقالية
_ الجديدة؟
♢محكمة الشهيد محجوب التاج تؤجل جلستها إلى الإثنين المقبل
_ بسبب التظاهرات؟
♢والي كسلا يلتقي مكتب الجبهة الثورية بحلفا الجديدة
_جبهة دي كلمة ما مريحة نهاااائي!
♢(٦٠) جنيها سعر الخبز في بعض الخرطوم
_ ليس بالخبز وحده!
♢حريق يلتهم محالج القطن بالجزيرة
_ و القمح في الفاو و النخيل في الشمالية و قلوبنا في الخرطوم!
مطعم كنتاكي يقلص فروعه بالخرطوم
_ عاقلين والله.. دا وكت كنتاكي دا؟
♢جاد كريم يترأس إجتماع حكومة ولاية شمال كردفان
_ لاستقبال منو؟
♢والي نهر النيل يتراس الاجتماع الاول للجنة العليا لاستقبال البرهان
_ و في لجان سفلى طبعا!
♢قوي الحرية والتغيير: تم ضرب المتظاهرين باسلحة مضادة للطيران
_ قايلنهم طيارات يعني؟
♢بنك السودان يلبي كافة طلبات المصارف من النقد الأجنبي
_ الصرافات فاضية .. بالنقد المحلي!
♢الموارد المعدنية تنجح في الإحاطة بطن ذهب خلال 26 يوماً من شهر بقيمة 400 مليون جنيه
_إحاطة السوار بالمعصم!.
♢الأمين داؤود: سياسيون يريدون مقعد في المعارضة والحكومة
_ مقعد واحد بس؟
♢شرطة الخرطوم تفض متاريس بالقوة وتعتقل بعض المتظاهرين
_ متى تروق البلد و قناة الهلال؟
♢نائب والي جنوب كردفان: نعول على الإدارة الأهلية في إنزال إتفاقية السلام وتحقيق الحكم الذاتي
_ و توفير سلة رمضان!
♢وزارة المالية تنفي خلاف الوزير مع حميدتي
_ السمعنا (خلاف كدا)!
♢تحقيق المصارف السودانية أمام اختبار الصمود بعد خطوات التعافي
_أبقو الصمود!
♢اعتقل في السودان.. ضغوط لمنع تسليم قيادي إخواني لمصر
_ سلموهو طوالي الجابو السودان شنو العاطل دا؟
♢فولكر: البرهان سيعلن عن إجراءات ثقة جديدة في السودان
_ الرغيف كيف؟
♢باعتبارها الضامن.. جوبا تسلم الخرطوم مواقع خصصتها لقوات الحركات الجنوبية الموقعة على اتفاق السلام
_ شيك ضامن!
♢اتفاق ينهي أزمة حقول النفط
_ عقبال أزمة النفط ذاتا!
حدّدت نقاط التجمّع..مع مقاومة الخرطوم تعلن فعاليات الثورية المسائية
♢مؤسسات ألمانية تؤكد استعدادها التعاون مع الحكومة السودانية
♢اغلاق كبري النيل الازرق “8” ساعات
تلت يوم!
♢خلافات تعصف بحركة مناوي وإعفاء رئيس المستشارين بمكتب الخرطوم
_ عصفت به الأشواق وهنا!
♢المعادن تعلن اكتمال عمليات مراقبة الذهب بمناطق الإنتاج
_ و مناطق الطيران!
♢بسبب الدولار.. انخفاض كبير في أسعار السكر
_ دا لعب تجار ما عندو علاقة بالدولار!
♢خبير: مرسوم البرهان يعني منح وزير الدفاع سُلطة تنفيذ قانون البحار بدلا عن مفوضية الحدود
_ البحار العقل و الله في الحاصل دا!
♢مسئول ألماني يلتقي حميدتي
_ دعم و لا ما دعم؟
ملفات ساخنة على طاولة البرهان والمبعوث الفرنسي
_ الجو ذاتو بقى ساخن!
♢صفقة لتبادل الاسرى مع الحوثيين بينهم 3 سودانيين
_ المهم وقف تبادل إطلاق النار!
♢وزير العدل إلى جنيف
_ إن شاءالله خير؟
♢الحكومية الماليزية تتبرع بعدد 500 ألف جرعة لقاح كورونا للسودان
_ كان جبتوها قروش ما كان أخير؟
مع تواصل تمويل المركزي للمستوردين.. ارتباك في السوق الموازي للعملات
♢ظواهر دخيلة تغزو المجتمع.. وفاة شخص دون علم أسرته وتحوله إلى هيكل عظمي بالكلاكلة الشيخ النزير
_ المجتمع محتاج عمرة!
♢برمة: بصدد تشكيل الكتلة الوطنية للجلوس مع المكون العسكري
_ قيام جلوس.
♢والي الخرطوم: مياه الشرب خالية من الملوثات
_ خالية شديد!
♢الحرية والتغيير: السودان ينحدر بشدة نحو الانهيار إذا استمر الانقلاب
_ و قبل الانقلاب ما كان منحدر؟ يا دوووب عرفتو؟؟
♢تقرير: لجان المقاومة السودانية.. ظاهرة موضوعية
_ ظاهرة شديدة!
♢ترفيع إدارة الحكم المحلي الى ديوان في ولاية الجزيرة
_ سين ترفيع!
♢الشرطة: انخفاض معدلات الجرائم في شمال كردفان
_ كلام جميل عقبال إنخفاض معدلات التضخم!
♢إضرام النار في “سوداني” بليبيا والأمم المتحدة تحقق في وجود مقابر جماعية..
أشعلو الزول عديل بدل الأسافير؟ الله يرحمو.
♢فولكر: المتظاهرون يقتلون بالذخائر الحية
_ لا ياااخ!( أحية) منك يا فولكرون!
♢محامو الطوارئ تستنكر طرد ياسر عرمان من موكب حراس العدالة
_ مرة طاردنو و مرة في مجلس الوزراء.. قادر ربما!
♢مندوب السودان لدى الامم المتحدة: تقرير فولكر مدته الزمنية 3 شهور لكنه ضمن احداث خارجها لتضخيم مايدور
_ خارجها كيف يعني؟ زمنو فارق مثلا؟
♢استمرار إضراب اختصاصيي المختبرات الطبية بالقضارف
اتواصل التظاهرات لدعم إضراب المعلمين
_ دعم سريع.. ادعموهم بفلوس الاضرابات ما بتحلحل مشاكلهم!
♢(1،8) ريال سعودي و(100) دولار امريكي مهربة لدبي.. الكشف عن أضخم عملية تهريب عملات أجنبية
_ بالطيران برضو؟ ياخ دي شحنة عديل.. تقول لي قطط (سمينة) و إزالة(تمكين)؟
♢مصدر: تاجيل محكمة الشهيد محجوب بسبب بسبب شاشة عرض
♢ لجنة المعلمين: إعلان جدول الامتحان التجريبي محاولة لكسر الإضراب
_ محاولة تخريبية.. لكين فاشلة!
♢رئيس اتحاد الصحافيين المحلول الصادق الرزيقي للإنتباهة: الذين يهاجمون الاتحاد هم أكثر المستفيدين من خدماته
_ خدماته مجانية؟ طيب رايك شنو في ناس ما عندهم علاقة بالصحافه و أخدو بيوت الصحفيين.. اللي هم ما لقوها.. فاتكم القطار يا صديقي!
♢توقيف عصابة مدافع ورشاشات تمارس النهب غرب ام درمان
_ مدافع عديل؟ الناس بره بجهزوا لمدافع رمضان!
♢تقرير: آخرهم الدعم السريع وآخرون صراع من أجل الذهب.. دماء وضحايا
_ مافي ضحايا غير الشعب السوداني الفضل!
♢مجلس البجا: مبادرة الجبهة الثورية (محاولة لصب الزيت على النار)
_ و إشعال مواقع التواصل و إحراق جسور الثقة و انفجار الأوضاع!!
♢توقيع عقد إستثمار زراعي بسنار مع شركتين
_ سودانيتين؟؟؟
♢موسي هلال يشدد على ضرورة مشاركة المكون العسكري في الفترة الانتقالية
_ الجاية يعني؟
♢وزير المعادن شركة قطرية ستدخل مرحلة إنتاج الذهب قريباً
_ قريبا في السودان.. ذهب مع الريح!
♢دراسة حول المياه الجوفية تحذر من نضوب الحوض النوبي الجوفي
_ و الأصلو في الجوف إنكتم…!!
♢صرف المرتبات بنهر النيل وفق الهيكل الراتبي الجديد
_ و بالخرتوم؟
♢عضو السيادي د.عبدالباقي يزور معرض صنع في السودان ويشيد ♢بالطفرة الصناعية التي تشهدها البلاد
_ بالذات في الدولار!
♢توزيع 23 الف جوال سكر للعاملين بنهر النيل
_ للخريف؟؟
♢مجلس الطفولة وجامعة المغتربين يوقعان مذكرة (تفاهم) لتطوير برامج الطفولة
_ مشكلة البلد دي ماىبتقدر تفهم شي!
♢هيئة الطرق والجسور: اغلاق كبري النيل الازرق اليوم الثلاثاء 29 مارس من الساعة 2 ظ الى 10 مساء لاغراض الصيانة
_ الصيانة؟؟
♢لجنة المعلمين: الصحفيون سطروا سفرا جديدا في تاريخ العمل النقابي
_ الخازوق يطلع صفرا جديدا.. خلاص يعني لجنة المعلمين أنجزت لمنسوبيها و قبلت ع الصحفيين؟؟
♢أمين عام اتحاد الجامعات العربية يعلن إعادة انضمام السودان للاتحاد
_ يعني الجامعات فتحت؟
♢مع تراجعه في كل البنوك.. سعر الدولار في بنك المال المتحد يحافظ على ارتفاعه القياسي
_ أتراجع شديد.. أنا عارفو الدولار دا (ما عندو كلمة)!
♢قرار بوقف الاستيراد الخاص للوقود بولاية الجزيرة
_ هو في نقود لي وقود؟
♢بالوثائق السلطات المصرية تتورط في محاولة حظر لجان المقاومة السودانية على فيسبوك
_ شان شنو؟
♢فولكر: يتعين على السلطات السودانية إنهاء العنف وضمان الحق في المظاهرات السلمية وإنهاء حالة الطوارئ
_ و ترخيص الاسعار!
♢البرهان يلتقي مبعوث فرنسا الخاص للقرن الافريقي
_ القرن دا لسه م إنكسر؟
♢بدء العمل في تشييد طريق الربوة الداخلي بالفاشر
_ دي الأخبار السارة!
♢عضو مركزي التغيير أحمد حضرة: إطلاع فولكر المصريين على التطورات بالبلاد أمر مرفوض
_ مرفوض مرفوض مرفوض!
♢عقدت مؤتمرا صحفيا.. قِوى الحرية والتغيير: تم تعيين أكثر من 800 كادر مؤتمر وطني في وظائف حكومية
_ و إنتو عينتو اكتر من دشليون كادر قحاطي..!!
♢قِوى التغيير: مُحاولة الانقلاب العسكري لتكميم الأفواه وإيقاف المد الثوري فاشلة
_ و التحكيم ذاتو فاشل!
♢تنسيقيات اتحادات ونقابات محلية أم درمان: عدم شرعية لجنة المعلمين بدخول المدارس(الأساس والثانوي ) لتحريض المعلمين على الإضراب
_ شرعية ثورية!
♢قحت: قادة الانقلاب كانوا يحسبونه “هيناً” لكنهم فقدوا البوصلة
_ و نحن بسببكم فقدنا البصلة ذاتا!
♢توجيه تهمة خيانة الامانة لعوض الجاز في قضية سكر مشكور
_ (إذا ضيعت الأمانة فانتظر الساعة)
♢لجنة المعلمين السودانيين: في ظل هذا التردي فليس أمامنا خيار سوى مواصلة الإضراب حتى تحقيق المطالب
_ ما راجع أنا لي مطالب… و إنكسر فيني التردي!
♢احتكاكات بين حركات بشرق السودان وقوات الدعم السريع
_ الاحتكاكات تولد الحرارة.. كدا ح يشعلو الأسافير أكتر من ما هي مشتعلة!
♢التوم هجو: (المتاريس) تخريب للبنية التحتية وتكبيل للمواطن
_ المتاريس لسه حزنانه بتنادي!
♢اعضاء بالمؤتمر الوطني يطالبون أسرة شهيد الذي قتله (ابجيقة) بالتراجع عن القصاص
_ أها وافقو؟ و لا قالوا الدم قصاد الدم؟
♢انطلقت محاكمته.. تفاصيل مثيرة حول محاكمة سوداني متهم بالارهاب في أمريكا
_ سوداني شفاتي.. مالو ضرب ليو كلب و لا كديس؟
♢الاعلان عن بدء اكمال طريق (نيالا الفاشر)
_ البدء و لا النهاية؟
♢مصارف تعدل أسعار العملات (مرتين في اليوم)
_ أسعار و لا دوا؟
♢دقلو يجري اتصالا بسلفاكير
_ سلفاكير قال الخرتوم فوضى! أحسموا الفوضى!!
مفاجاة في حادثة السوداني القاتل في الكويت.. ليست زوجته انما طليقته..
_ ما مفأجاة.. أصلا قالوا الكلام دا.. الله يرحمها و يرحم أموات المسلمين أجمعين!

₩ اخبار الرياضية:
♢منتخبنا الوطني يتدرب بقوة.. وبرهان يصحح الأخطاء
_ أهم حاجة برهان يصحح الأخطاء لأنها كترت في منتخبنا الوطني الفترة الفاتت.. أخطاء بالجملة وهزائم بالجملة!
♢الشرطة يكمل استعداده لمواجهة الأمل عطبرة
_ ا(لشرطة) لما تواجه (الأمل) بكون لقاء (على صفيح ساخن)!
♢الاتحاد يرحّب بشراكة تقنية جديدة معروضة من شركة إماراتية
_ شراكة برضو؟
♢الهلال يقترب من حسم صفقة لوسيانو
_، برازيلي؟؟
♢صقور الجديات يختتم الاعداد لمواجهة نظيره التنزانى اليوم
_ دي في تصفيات قطر؟
♢الإتحاد العام يصدر ضوابط التسجيلات للفترة التكميلية
_ طبعا الرسوم زادت!!
♢صديق كوة نجم المنتخب يشعل صراع القمة
_ يشعل دي بقت (بتحرق) دمي!
♢اجاي يتصدر خيارات الهلال في ابريل
_أبريل ؟؟ لا كدا وضحت الرؤية!
♢حازم مصطفى يصل لطريق مسدود مع الجزولي وكفرووتر تكشف التفاصيل
_ طريق مسدود.. زي الشرق و الشمال و …… ؟؟؟
♢العطا يلتقي وفد الشراكة الأكاديمية الرياضية (السوداني_ السعودي)
_ فاتحة يعني .. ما قفلوها مع الجامعات دي؟؟؟
♢تابيتا بطرس تقود المريخ الى جنوب افريقيا
_ باقي يظهر الوالي بس#
♢الجاكومي ينفي ماتداولته المواقع ويؤكد.. حميدتي ما مريخابي
_ قول ما مريخابي.. شنو يعني؟
♢سكرتير توتي: طريقة برمجة الدورة الاولى مرهقة ماديا
_ بدنيا ما مرهقة؟
♢خبير تربة يؤكد بأن أرضية استاد المريخ غير صالحة للزراعة المستديمة
_ صالحة لزراعة الكلى؟
♢الغالي يقترب من العودة للممتاز
_ دا فريق جديد؟
ثلاثي الهلال بالمنتخب يلحق بالأزرق في القاهرة
_ بالتقسيط.. و التفويج!
♢بكري المناقل مشرف المنتخب المعسكر مثالي ونتوقع ظهوراً جيداً للاعبين في مباراة تنزانيا
_ المشكلة(نتوقع) في المباراة!
♢مازدا: عليكم الاستفادة من المعسكرات الخارجية والمباريات الودية الدولية.
_ و الهواء.
♢الهلال يمدد تعاقده مع الحارس أبوجا لمدة “3” أعوام
_، كان تخلوها أربعة.
₩اخبار منوعة:
♢قام اتعزز.. موجة سخرية بسبب ارتفاع اسعار الليمون في الخرطوم.
_ عااادي يرتفع.. الناس كلها بطونها طامة (حكومة و شعبا و معلمين و حركات مسلحة)
♢رقص مثير بين هدى عربي وفرفور وشبال يفاجئ رواد السوشيال ميديا.
_ يفاجئم بي شنو؟ هم بس ناس السوشيال ميديا قاعدين للمفاجآت!
♢بتكلفة بلغت (55) مليون جنية منظمة مآذن توزع سلة الصائم وكسوة العيد لاسر الايتام.
_ حصريا و لا (كل الأيتام؟)
♢افتتاح معرض الايدي الناعمة بحضور وزيرة التجارة ورئيسة اتحاد سيدات الاعمال بدول الكوميسا مكتب السودان
_ أكل يعني؟ الرز الناعم ترمرم.
♢ورشة لتحليل المبادرات الوطنية لإحتواء أزمة الراهن السياسي
_ الغريبة من قمنا نسمع بالراهن السياسي دا…
♢عضو السيادي د.سلمى تدعو لتفعيل دور الجهاز القومي لحماية المستهلك
_ تفعيل.. على الطلاق الكيزان رجعوا تاني لتفعيل ممارساتهم القذرة و تنزيلها لأرض الواقع.. ثورة و … إنبشقت.
♢إجتماع تنسيقي بين المعمل المركزي للبحوث البيطرية والشركاء
_ موش قالوا لا شراكة؟ غيرو رأيهم تاني؟
♢نشر فيديو لمضيفة جوية سودانية فلبينية وحديث عن ارض النيلين
_ سودانية فلبينية؟ مضيفة و لا مفاوضات؟؟
جهود لتحسين إمداد مياه محلية جبل اولياء
_ جهود و تحسين.. بنات جيرانا!
المخدرات خطر داهم مكافحته مسؤولية الجميع
خلو بالكم من عيالكم
الفساد سبب خراب البلاد و العباد
الربا و الرشاوي أس البلاوي
الأخبار من شبكة السودان
التعليق من فرفشة.
آللهم صلِّ على سيدنا محمد وعلى آله و سلم.