تحليق إخباري قرآءة ساخرة للأوضاع.. (الأحد ١٣ مارس)

تحليق إخباري نادر التوم
عناوين الصحف السودانية الصادرة إلكترونيا الأحد ٢٠٢٢/٠٣/١٣
الصيحة :
الكشف عن شراكات اقتصادية ضخمة بين السودان والإمارات
_ المهم الضخ.. ما … الشراكة!
حيدر الصافي: تواصل بين قيادات بالحرية والتغيير والعسكريين للوصول إلى تفاهمات
_ وين اللاءات بتاعات القحاتة؟
زيادة جديدة في أسعار الخبز
بالخرطوم
_ و أحجامو كيف؟
وزير المعادن ينفي تورّط السودان في بناء احتياطي الذهب الروسي
_طمنتنا.. ما ممكن نحن نبنيهو بالكلام و إنتو تبنوهو (بي حقنا)!
الانتباهة :
عصابة ترتدي زيًا عسكريًا تنهب تاجرًا بالخرطوم
_ الزي العسكري دا بقى زي الزي المدرسي .. في أى مكااااان … كانت أيام يا (وطني) زي الأحلام يا (شعبي)!!
التغيير: الإمارات طرحت عودة حمدوك و”الترويكا”( لم تتحمّس).
_ (حنسوها) إنتو..
لجان المقاومة: عودة حمدوك افتراضات وتكّهنات والتسوية مرفوضة
_ (التسويه) كريت.
السوداني :
زيادةٌ جديدةٌ في دقيق الخُبز
_ يتناجو فوق نخل التمر.. بس دقيق الكيك ما تهبشوا!
البرهان يزور معرض إكسبو 2020 دبي
_ أهم شى (تكسبو) فوائد للبلد من الزيادات دي أقصد الزيارات.
البرهان يوجه بتذليل العقبات والتحديات التي تواجه الجالية السودانية بالإمارات
_ العقبات والمتاريس!
(سودانير): ليس هناك نية لبيع طائرة الإيرباص A32O
_ (نية) شوية.. كان ماجابت نيتين تلاتة خلوها قاعدة.
صَحفيّة مصرية تفوز بجائزة (مصطفى وعلي أمين) بتحقيقاتها عن دارفور
_ لما نقرأ التحقيقات نعلق!
النيل الدولية :
البرهان يلتقي وفد الجالية السودانية بالامارات
_ و قالو شنو، عسكرية و لا إماراتياااااو؟
الغرف التجارية تثمن توجه الدولة لإشراكها في أعمال اللجنة الاقتصادية واتخاذ القرارات
_ و الله الدولة دي نحن ذاتنا دايرين نثمن إتجاهها، لكين ما عارفنها متجهة وين؟
سودانير تنفي بيع الطائرة الايربص A33O
_ يعني في؟ الحمد لله!
لجان المقاومة المستقلة تطرح مبادرة للخروج من أزمات البلاد
_ في واحدة مستعمرة يعني؟؟
إسترداد سيارتين مختطفتين بمنطقة بشمال دارفور
_ السيارتين ديل رئاسيتين؟ الجرايد كلها إسترداد إسترداد. إسترداد و تصدير؟
الوطن :
قتلى وجرحى في إنفجار قنبلة بجنوب دارفور
دا بقى ما إحتمال بقى.. ربنا يرحمهم و يشفى المصابين!
زيادات جديدة في أسعار الخبز وتوقف عدد من المخابز
_ المخابز دي ما بتفتر من التوقف؟ ما تقعد شوية
مديرة جامعة الخرطوم :سمعة الجامعة على المحك
_ محك إنجليزي؟
سودانير توضّح حقيقة بيعها طائرة
_ يعني باعتها؟
أخبار اليوم :
عقب ارتفاع اسعار سلع غذائية مواطنون : البلد دي ماشة لوين..!!
_ قدام بس#
تحرير سعر الصرف.. المواطن في مواجهة الدولار
_ الدولار دا لا طار لا إتأهل. كل يوم مواجهات!

وكالة السودان للأنباء (سونا)

رئيس مجلس السيادة الانتقالي يلتقي وفد الجالية السودانية بدولة الإمارات
_ هناا ذاتو في (جالية).. الأسعار جالية شديد.
_ جالية يا جالية.. وين الجيلاني الواثق؟
رئيس مجلس السيادة الانتقالي يزور معرض إكسبو 2020 دبي
_ ح يستمر كم سنة دا؟ من ٢٠٢٠؟ مالو عامل زي الفترة الإنتقالية؟
لجان المقاومة المستقلة تطرح مبادرة للخروج من أزمات البلاد
_ تطرح و تجمع و تضرب أخماس في أسداس، من بقى مافي عيش مدعوم بقى ما عندكم دور!! أطرح لي وشيك أنا داير أجيك!
انعقاد الاجتماع الاول للمجلس الأعلى للإدارة الأهلية بالسودان
_ الأهلية كملت .. حليل زمن المحنة و حليل جعفر سليمان و حشوة و شربات.
الغرف التجارية تثمن توجه الدولة لإشراكها في أعمال اللجنة الاقتصادية واتخاذ القرارات
_ أهم حاجة.. ح نبنيهو بدون غرف كيف؟ حوش ساكت يعني؟؟
إسترداد سيارتين مختطفتين بمنطقة صابرين بالطريق القومي الفاشر ام كدادة
_ بوكو؟
4 مليار850 مليون جنيه الربط المحقق لديوان الزكاة بسنار
_ وزعوها صاح بس#
محلية ودالماحي تتعهد بتعزيز ثقافة السلام
_ المافي شنو؟ الليمون ذاتو إتعزز.
انشاء قناة تلفزيونية للترويج للإستثمار وبث الخارطة الإستثمارية
_ أيوه أفتحوا قنوات جديدة و فكونا من (الغنوات) دي!
سودانير: الطائرة المقصودة بالتخلص من الفائض هي الإيرباص A3OO
_ فائض الأسف!!
ختام دورة تدريب معلمي الثانوي في مجتمعات اللاجئين والنازحين بكسلا
_ بنفس الهيكل العظمي أقصد الراتبي؟
بدء المؤتمر العلمي الدولي المحكم لجامعة المغتربين
_ الله يجمعهم هم ذاتهم و يحفظ وليداتهم!
قوة عسكرية مشتركة تستعيد سيارات تابعة للأبحاث الجيولوجية
غقبال استعادة الثقة و الأمل!
ورشة تدريبية لبناء قدرات الصم بوسط دارفور
_ يستاهلو.. ح نبنيهم!
لجنة أمن جنوب دارفور تتفقد مصابي جرحى “أم دافوق”
_ دا كلو بسبب القراية أم داقوق!
البنى التحتية بشمال دارفور تعلن معالجة قضية مياه الشرب بمليط
_ حياك مليط صوب العارض الوادي و جاد واديك ذا الجنات من وادي
فكم جلبتي لنا من منظر عذب يشفي العليل و يروي قلة الصادي.. تخيل يا قراي زمان كان يدرسونا حاجات زي دي!!
والي شمال دارفور يتفقد منطقة فوراوية ويتعهد بتوفير الخدمات الأساسية.
_ و الله دا شعر عديل!
ورشة التحليل السياسي تناقش واقع الأحزاب السياسية في السودان
_كلك (واقع) لو.. لو !
تزايد نشاط الرياح بمعظم ولايات السودان
_ معناتها ح تمطر حصو!!!
السودان يشارك في كورس التجديف الافريقي لذوي الاعاقة
_ تجديف المعاناة على المواطنين.. بالتوفيق، و أنتم تعلموننا في كل صباح جديد شيئا جديدا!
آخر خبر: ضبط شبكة بتاعة نت في البلد دي.. الحمد لله.
المخدرات خطر داهم مكافحته مسؤولية الجميع
خلو بالكم من عيالكم
اللهم صل وسلم وبارك على سيدنا محمد و آل محمد و سلم!