تاني بنوم من المغرب (شعر)_ عثمان أبوشيبة
من المغرب بنوم عثمان مساعد أبوشيبة
انا تاني
من المغرب
بنوم
لابساهر
لأبعد النجوم
كفاية الشفتو
في الريد
انا ذاتي
ماناقص هموم
وانا تاني من
الريد بصوم
لابتبلبل لا
بعوم
لمتين اعاين
في العيون
وانا من
نظرتا محروم
وانا تاني
من الريد
بتوب
لابزلزل
لابذوب
بمشي جنب
الحيط
وبقفل باب
قلبي بشوك
وطوب
وانا تاني لو
شفت جمال
يوسف
بمسك في
صبر أيوب
ببعد عن
الريد واغنييلو
وابقي في البر
عوام وموهوب
وانا تاني لا
بعاين لابغشي
الجناين
قولو علي
شقي وخاين
مضروب عين
ومكتوب
وانا تاني لا
سهر ليالي
لادموع يعقوب
احساسي علي
غالي
ومابتقراه عيون
بالمقلوب
وانا لو تقوم
مشاكل وحروب
بقفل للريد
السفارة
وبطرد للشوق
المندوب
❤️💚💜🌹💐😍
عثمان مساعد ابوشيبة