القضارف

القضارف
بريدك ياقضارف
نظمت هواك صحايف
بحبك في منامي
بحبك وطرفي شايف
&&&&&&&&&&&
من تبينا وقمنا
رضعنا الطيبه منك
حاضنانا بي خيرك
دوام سايقنا حنك
اخلاقك نبيله
وكريمه عارفنك
يامرتع شبابنا
عشقنا غناك وحنك
&&&&&&&&
سطرتي بي مجدك
عنوان للحضاره
بي صوامع شوامخ
والجامعه المناره
القطيه الفريده
لتراثك اشاره
دندن غني مطرك
جاب لينا البشاره
&&&&&&&&
يافرح الغلابه
والام الحنينه
في ربوعك لقينا
طمانينه وسكينه
من جودك نهلنا
في القري والمدينه
يصونك الله لينا
يالسمحه ورزينه