الشاعر محمد العاليابي يكتب عشم العيون
عشم العيون شعر محمد العاليابي
جاييك أفتش فيك علي
ياريتني كان ألقاني فيك
راحل بقى لي كم زمن
جواي قليب بسأل عليك
عشم العيون تبقيلا شوف
وصباح يصابحه بي سرور
عشم الكلام تبقيلو بوح
يملا المواسم بي العطور
وأنا كلي مشتهي دنيتك
لهفة فراشه علي الزهور
شوق موجه لي الشاطي الهناك
أحلامه كيفن يوم تزور
أنا غير ملامحك ماقريت
وأنا غير وصالك مانويت
أنا من حروف أشواقي ليك
ياسمحه باني ليا بيت
داسيكي في الوتر الحنين
شايلك معاي وين مامشيت
جاييك أريت ألقاني فيك
رايداني زي ماليك هويت
محمد عبد القادر العاليابي