الشاعر محمد العاليابي يكتب ريم الوادي
ريم الودي
عندها لكنه بتكتف كلامنا كتاف
وعينة بسمته البتحسها وتنشاف
سماحته عينة البتشوفه إلا تخاف
حبها نشف أكباد الهووها نشاف
غيمة شوقي ليها بلا سبب بتمطر
ومشيته في الارض بخافه ليها تفتر
الخلاني من قولة حلاته مكتر
إن نضمت بحس بي الجو دا متعطر
قمرية القليب حد بي هواها تقوقي
هيجت الحنين زادت وتيرة شوقي
ياريم الودي اللايصه مابتروقي
خليني النبلها بي المحنه عروقي
بعرف لي القنيص وقنصتي مابتجلي
بعرف لي الكجار مرات بكاجر ضلي
يالبي عيونك لي عرفتي تشلي
خليتيني أدج زي قطر المحلي
شفتو النيل وشاطيهو أب نخيل وأزاهر
ولا الفي سماها وبي الخلق بتساهر
كان شفتو الشفيفه النورها بهرج باهر
كنتو حفظتو أنشودة الغرام الطاهر
قالت لي ألو وصوتها غووور فيني
زي النتره غيمات حنها بترويني
التلفون طرب رققص معاو إيديني
مرجيحة غرامه تراها بتلوليني
محمد عبد.القادر العاليابي