الجود والكرم وارثنو من الجد (شعر)
حصل في يوم ركبت حمار
بتعرف تحمل الفرار
حصل حشيت بروس وعدار
حصل في يوم عجنت صرار
🎶🎶🎶🎶🎶🎶🎶🎶
حصل في يوم وردت حفير
حصل قطفت من البير
حصل شركت يوم للطير
حصل جلدت ضهر الزير
🎶🎶🎶🎶🎶🎶🎶
حياة الريف جميلة شديد.
وخاصة تكون ايام العيد
تشوف الناس دي لابسة جديد
يقالدوك مو سلام بالايد
🎶🎶🎶🎶🎶🎶🎶
يكرموك بي نفس طربانة
يدوك العصير جركانة.
بطربو للسلاح والدانة
باقيين نجدة الدركانة
🎶🎶🎶🎶🎶🎶🎶
طيبين طيبه فايتة الحد
واسعين رأي وطيبين رد
الجود والكرم وارثنو من الجد
وباقيين للمصايب سد
🎶🎶🎶🎶🎶🎶🎶
ما بعرفو السجوك والشبسي
ولا بحلو الفطور بالببسي
ما بسمو البنات بالجكسي
ولا بدو البنية جلكسي
مهند حسن 😊😊😊
(منقول من قروب أصحاب في الواتس
أبو عبد الله)