أبقى نضيف وطاهر في الدواخل جوه شعر ود عصام البقراسي
حكم ود عصام البقراسي
أبمسك درب مو داري وينا حدودو
بكره بتهلكو الأقدار ويكمل عودو
سمح الماشي بي سنه أنتهوبا جدودو
والفعل البيهدم تاجك أوعى تعودو
في البهديك عشان خير الدنا يواليكا
وفي الفي نهجو الف مصيبة بتباليكا
خليك ديما فوق مرفوع على عاليكا
أحترم الصغير في عميرو… بر واليكا
أبقى نضيف وطاهر في الدواخل جوه
وابقى قدر كلامك يوم تذكر الخوة
الراجل طباعو بتصطفيو… مو القوة
واكتر حاجة سمحة الزول يعز الخوة
ما تغتره بي العز والترف والمال
وأسعى تكون كريمه طباعك… أسعى رجال
يوم الدنيا تديكا…. وتسر البال
ويوم بتجهج أفكارك (تراهو الحال)
كتار الهسي في المستشفى راقدين مرضى
ناس صابرين على قدر الله مي معترضة
امك اسمعا واسعدها لأمن ترضى
اذكر ربنا واطرا القبر والارضه
#ودعصام_البقراسي